მოვლენები მიმდინარეობის ჯონ უიკის მესამე ნაწილის - „პარაბელუმის“ პარალელურად, როცა ევა მაკარო „რუსკა რომას“ მკვლელების ტრადიციის მიხედვით იწყებს წვრთნას
თითქმის სამი ათწლეული გავიდა მას შემდეგ, რაც მძვინვარე ვირუსი გავრცელდა და ახლა, ჯერ კიდევ მკაცრ კარანტინში, ზოგიერთმა იპოვა გზა ინფიცირებულებს შორის არსებობისა. გადარჩენილთა ერთი ასეთი ჯგუფი ცხოვრობს პატარა კუნძულზე, რომელიც მატერიკთან ერთი, დაცული გზით არის დაკავშირებული. როდესაც ერთ-ერთი ჯგუფი მისიით მატერიკის ბნელ გულში მიემართება, აღმოაჩენს საიდუმლოებებს, საოცრებებსა და საშინელებებს, რომლებმაც მუტაცია განაცდევინა არა მხოლოდ ინფიცირებულებს, არამედ სხვა გადარჩენილებსაც.
ქუინი და მამამისი საცხოვრებლად წყნარ ქალაქში გადავიდნენ, ცხოვრების ახლიდან დაწყების იმედით. ამის ნაცვლად, ისინი აღმოაჩენენ დაშლილ საზოგადოებას, რომელიც მძიმე პერიოდს განიცდის სიმინდის სიროფის ქარხნის დაწვის შემდეგ. როდესაც ადგილობრივები ერთმანეთში კამათობენ და დაძაბულობა მატულობს, სიმინდის ყანებიდან ბოროტი, მომღიმარი კლოუნი ჩნდება, რათა ქალაქი ტვირთისგან გაწმინდოს, თითო ჯერზე თითო სისხლიანი მსხვერპლით.
ლევონ კეიდმა დატოვა თავისი საიდუმლო სამასახურის აგენტის პროფესია, რათა გამხდარიყო მუშა და ემუშავა მშენებლობაზე. მას სურს იცხოვროს უბრალო ცხოვრებით და იყოს კარგი მამა. მაგრამ როდესაც მისი უფროსის თინეიჯერი ქალიშვილი - ჯენი დაიკარგება, მან უნდა გამოიყენოს ის უნარები, რამაც იგი ლეგენდარულ ფიგურად აქცია საიდუმლო ოპერაციების ბნელ სამყაროში. მის ნადირობას დაკარგულ კოლეჯის სტუდენტზე მთავარი გმირი მიჰყავს ბოროტი დანაშაულებრივი შეთქმულების წიაღში, რაც ქმნის ჯაჭვურ რეაქციას, რომელიც საფრთხეს შეუქმნის მის ახალ ცხოვრებას....
მეგობრებთან ერთად დასვენება განმარტოებულ ადგილას, გადაიქცევა სრულ ქაოსად მას შემდეგ, რაც გაიგებენ რომ ერთ-ერთი სტუმარი ისეთი არაა, როგორიც ერთი შეხედვით ჩანს
ალისი და სელინი ტრადიციული ცხოვრების წესით ცხოვრობენ. ორივეს წარმატებული მეუღლე და დაახლოებით ერთი ასაკის ვაჟი ჰყავს, მათი ცხოვრება კი ერთი შეხედვით მშვიდი და ჰარმონიულია. თუმცა ტრაგიკული შემთხვევა ყველაფერს თავდაყირა აყენებს და მათ ურთიერთობაში ბზარს აჩენს. დანაშაულის გრძნობა, ეჭვი და პარანოია თანდათან ანგრევს მათ მჭიდრო კავშირს და ბავშვობის მეგობრებს ერთმანეთის წინააღმდეგ განაწყობს. ამ მძიმე ვითარებაში დედობრივი ინსტინქტი ორივე ქალს აიძულებს, საკუთარი შვილის დასაცავად იბრძოლოს, მაშინაც კი, თუ ამისთვის ყველაზე ახლობელ ადამიანთან დაპირისპირება მოუწევს.
უმუთ თანრიქულუს იშვიათი უნარი აქვს - მას ყველაფერი უმცირეს დეტალებამდე ახსოვს და ვერაფერს ივიწყებს. ეს განსაკუთრებული მეხსიერება მისთვის ერთდროულად დიდი ძალაცაა და მძიმე ტვირთიც. როდესაც მამას მკვლელობაში ადანაშაულებენ და ის სასიკვდილო განაჩენის წინაშე აღმოჩნდება, უმუთი გადაწყვეტს იურისტი გახდეს და მამის უდანაშაულობა დაამტკიცოს. საქმის გამოძიებისას უმუთი ადამიანების წარსულსა და დამალულ დეტალებს საკუთარი მეხსიერების დახმარებით აანალიზებს და რთულ საქმეებს ერთმანეთთან აკავშირებს. თუმცა მამის საქმეში ჩართული გავლენიანი და საშიში ოჯახი მის წინააღმდეგ ყველაფერს იყენებს. უმუთს სიმართლის დასამტკიცებლად არა მხოლოდ სამართლებრივ ბრძოლაში, არამედ ძალაუფლებისა და ინტრიგების სამყაროშიც უწევს ბრძოლა.
2019 წლის ამავე სახელწოდების ესპანური სამეცნიერო ფანტასტიკური ჰორორის გაგრძელება კვლავ გვაბრუნებს ვერტიკალურ და თვითმართვად ანტიუტოპიურ ციხეში, სადაც ადამიანებს შემთხვევით ანაწილებენ სხვადასხვა სართულზე. ყოველდღიურად საკვების უზარმაზარი პლატფორმა ზემოდან ქვემოთ გადაადგილდება და თითოეულ დონეზე მხოლოდ ის საკვები რჩება, რომელსაც ზედა სართულებზე მყოფი პატიმრები არ შეჭამენ. ზედა დონეებზე მყოფებს შეუძლიათ იმდენი იკვებონ, რამდენიც სურთ, მაშინ როცა ქვედა სართულებზე მყოფებისთვის საკვების ნარჩენებიც კი ფუფუნებად იქცევა. შიმშილი, სასოწარკვეთა და გადარჩენისთვის ბრძოლა ადამიანებს ერთმანეთის წინააღმდეგ აყენებს და ციხის სასტიკი წესები კიდევ უფრო დაუნდობელ რეალობას ქმნის.
სამგზავრო ლაინერი ოკეანის სიღრმეში იძირება და ბორტზე დარჩენილი მგზავრები წყალქვეშა ჯოჯოხეთში აღმოჩნდებიან. ჩაკეტილ სივრცეში ჰაერის მარაგი სწრაფად იწურება, ხოლო წყლის მზარდი წნევა გაქცევის ნებისმიერ მცდელობას სიცოცხლისთვის საშიშ ბრძოლად აქცევს. თუმცა მათი მდგომარეობა კიდევ უფრო რთულდება, როდესაც გიგანტური წყალქვეშა მტაცებლები ჩაძირული ლაინერის ირგვლივ იწყებენ ნადირობას. გადარჩენილებს ერთმანეთთან გაერთიანება და სწრაფი გადაწყვეტილებების მიღება უწევთ, რადგან დახმარების მოლოდინის დრო აღარ აქვთ.
ფინეთის პატარა სანაპირო ქალაქი ზაფხულის შუაღამის დღესასწაულისთვის ემზადება. ქალაქში საზეიმო განწყობაა, თუმცა ყველაფერი მოულოდნელად იცვლება, როდესაც ტერიტორიაზე უცნობი და შეიარაღებული მტერი იჭრება და ათი ათასამდე ადამიანს მძევლად აიყვანს. ქვეყანა უპრეცედენტო კრიზისის წინაშე აღმოჩნდება. ახლად არჩეულ პრეზიდენტს უმოკლეს დროში უწევს რთული გადაწყვეტილებების მიღება, რადგან ნებისმიერი შეცდომა მძევლების სიცოცხლეს და ქვეყნის უსაფრთხოებას საფრთხეს უქმნის.
ჰანა ლი ლონდონის პოლიციის გამოცდილი დეტექტივია, რომელსაც რთული დავალება ეძლევა მან მკვლელობაში ეჭვმიტანილი დოქტორი მეთიუ ნოლანი ჩინეთში უნდა ჩაიყვანოს, სადაც სავარაუდო დანაშაული მოხდა და მისი ექსტრადირება მიმდინარეობს. ლონდონიდან პეკინისკენ მიმავალ თვითმფრინავში თითქოს ყველაფერი კონტროლქვეშაა, თუმცა ფრენის დროს სიტუაცია მოულოდნელად იცვლება. იზოლირებულ სივრცეში ჰანას უწევს ეჭვმიტანილის დაცვასთან ერთად უცნაური მოვლენებისა და ერთმანეთთან დაკავშირებული საიდუმლოებების გარკვევა.
მაღალი კლასის დაქირავებული მკვლელი ჯო ფლუდი შოკისმომგვრელ დიაგნოზს იღებს და დარწმუნებული ხდება, რომ სიცოცხლე მალე დასრულდება. საკუთარი წესებით ცხოვრების მიჩვეული, ის უჩვეულო გადაწყვეტილებას იღებს საკუთარ თავზე მკვლელობას შეუკვეთავს, რათა ყველაფერი თავად აკონტროლოს. თუმცა მალევე ირკვევა, რომ დიაგნოზი შეცდომა იყო. იმ დროისთვის კი უკვე გვიანაა მის მოსაკლავად გაგზავნილი პროფესიონალი ქილერები მისი კვალის წაშლას იწყებენ და საფრთხე მის ყოფილ შეყვარებულსაც ემუქრება.
მუაი-ტაის გამოცდილი ექსპერტი მოულოდნელად აღმოჩნდება ტრაგედიის შუაგულში, როდესაც მისი ცოლი და ქალიშვილი იდუმალ და დაუნდობელ ძალებს სასტიკად ემსხვერპლებიან. ეს მოვლენა მის ცხოვრებას ერთ წამში ანგრევს და მშვიდ არსებობას შურისძიების ცეცხლად აქცევს. ტკივილითა და ბრაზით შეპყრობილი მებრძოლი იძულებულია დატოვოს წარსული და დაიწყოს სისხლიანი შურისძიების გზა, სადაც ყოველი ნაბიჯი უფრო ღრმად ითრევს ბნელ საიდუმლოებებში. ის ცდილობს გაარკვიოს, ვინ დგას ამ ძალადობის უკან ადამიანები, ორგანიზაცია თუ რაღაც უფრო იდუმალი და ზებუნებრივი ძალა.
გზააბნეული ყოფილი ჯარისკაცი, რომელიც საკუთარ ცხოვრებაში მიმართულებას ვეღარ პოულობს, მოულოდნელად ერთვება იატაკქვეშა ბრძოლის სამყაროში. მისი ერთადერთი მოკავშირე ხდება ახლად გათავისუფლებული ყოფილი პატიმარი, რომელიც ამ ბნელ გარემოში გადარჩენის წესებს კარგად იცნობს. თავდაპირველად ყველაფერი თითქოს შანსად ჩანს ფული, ძალა და ახალი მიზანი. თუმცა მალევე ირკვევა, რომ ეს სამყარო ბევრად უფრო სახიფათოა, ვიდრე ეგონა. მისი თითოეული ნაბიჯი უფრო ღრმად ითრევს კონფლიქტებში, სადაც წესებს კორუმპირებული პოლიციელები და დაქირავებული მკვლელები ადგენენ.
ომიდან დაბრუნებული ვეტერანი, რომელიც პოსტტრავმული სტრესული აშლილობით იტანჯება, ცდილობს მშვიდი ცხოვრება დაიბრუნოს და საკუთარ თინეიჯერ დასთან ერთად ბოსტონში, ტობინის მემორიალურ ხიდზე გადაადგილდება. თუმცა ჩვეულებრივი დღე სწრაფად გადაიქცევა კოშმარად, როდესაც ისინი ხიდზე მოულოდნელად მახეში აღმოჩნდებიან. კბილებამდე შეიარაღებული ყოფილი სამხედრო რევოლუციონერების ჯგუფი ხიდს იკავებს და იქ მყოფ ყველა ადამიანს მძევლად აიყვანს. სიტუაცია მყისიერად უკონტროლო ხდება ქალაქი პარალიზებულია, ხოლო მოლაპარაკების ყველა მცდელობა უშედეგოა. ვეტერანი იძულებულია კვლავ დაუბრუნდეს იმ სამყაროს, რომლისგანაც თავის დაღწევას ცდილობდა. მისი სამხედრო გამოცდილება ერთადერთი შანსია, რომ დაიცვას თავისი და და სხვა უდანაშაულო ადამიანები, თუმცა PTSD-ის გამო რეალობის აღქმა ხშირად ირღვევა, რაც სიტუაციას კიდევ უფრო ამძაფრებს.
ახლო მომავალში, განადგურებულ და მტრულად გადაქცეულ დედამიწაზე, პოლი და მისი ტყუპი ვაჟები ყოველდღიურად იბრძვიან გადარჩენისთვის. ღამეები განსაკუთრებით საშიშია როდესაც მტაცებელი არსებები იღვიძებენ და ადამიანების პატარა ჯგუფებს დაუნდობლად ნადირობენ. ამ სასტიკ რეალობაში ოჯახი ერთად რჩება, თუმცა ერთ ღამეს პოლი მძიმე მდგომარეობაში ვარდება და სიკვდილის ზღვარზე აღმოჩნდება. მისი მდგომარეობა ბიჭებს აიძულებს სწრაფად იმოქმედონ, რადგან იციან, რომ დრო მათ წინააღმდეგ მუშაობს.
უდანაშაულო ახალგაზრდა კაცი, ჯეკი, იძულებულია საკუთარი მშვიდი ცხოვრება დატოვოს და სახიფათო თავგადასავალში ჩაერთოს, როდესაც მისი და ლულა სასტიკი მკვლელის, მეტსახელად „ყელგამოჭრილი ბილის“, ბანდამ გაიტაცა. ლულას გადასარჩენად ჯეკი დახმარებას ეძებს ყველაზე არაორდინარულ ადამიანებში. მას უერთდება ეშმაკებზე მონადირე რეგინალდ ჯონსი, ყოფილი მონის ალკოჰოლიკი შთამომავალი, მესაფლავე ვაჟი, რომელიც სიკვდილს ყოველდღიურად უყურებს, და ქუჩის წესებში გაწაფული მეძავი, რომელიც კარგად იცნობს ქალაქის ბნელ მხარეს.
საუკუნეების განმავლობაში სხვადასხვა კულტურაში მშობლები შვილებს ერთი და იმავე საშიში ლეგენდის შესახებ აფრთხილებდნენ „გუდიანი კაცი“, იდუმალი არსება, რომელიც თითქოს უდანაშაულო ბავშვებს იტაცებს, თავის მყრალ გუდაში ყრის და უკვალოდ აქრობს. პატრიკ მაკკიმ ბავშვობაში თავად გადაურჩა მასთან საშინელ შეხვედრას, მაგრამ ამ შემთხვევამ მის ფსიქიკაზე ღრმა და წარუშლელი კვალი დატოვა. წლების განმავლობაში ის ცდილობდა ჩვეულებრივი ცხოვრება აეწყო, ოჯახი შეექმნა და წარსულის შიშები დაევიწყებინა.
უდაბურ ტყეში დასასვენებლად წასული მეგობრების ჯგუფი მოულოდნელად საშინელ შემთხვევაში ეხვევა, როდესაც მანქანით უცნობ ქალს გაიტანს. შოკსა და პანიკაში ისინი შემთხვევის ადგილის დათვალიერებას იწყებენ და მალევე აღმოაჩენენ სპორტულ ჩანთას, რომელიც დიდი რაოდენობით ნაღდი ფულით არის სავსე. ცდუნებას ვერ უძლებენ და გადაწყვეტენ ფული მიითვისონ, ხოლო მომხდარის დასამალად ქალის ცხედრის დამალვასაც ცდილობენ. მათ ჰგონიათ, რომ ყველაფერი საიდუმლოდ დარჩება და ცხოვრება ჩვეულ რიტმს დაუბრუნდება. თუმცა მალევე ირკვევა, რომ ჩანთა გავლენიან და დაუნდობელ კრიმინალურ სამყაროს ეკუთვნის. მისი იდუმალი მფლობელი დაკარგული ფულისა და სიმართლის ძიებას იწყებს, ხოლო მეგობრები თანდათან სასიკვდილო თამაშის მონაწილეები ხდებიან.
პოლიციის შეფი კარტერი შემზარავ აღმოჩენას აკეთებს, როდესაც ერთ ადგილზე თერთმეტი ქალის ნეშტს პოულობს. ეს საქმე მალევე ერთ-ერთ ყველაზე მასშტაბურ და საშიშ სერიულ მკვლელობად იქცევა, რომელსაც სამართალდამცავები „ძვლების სასაფლაოს“ სახელით მოიხსენიებენ. საქმის გამოსაძიებლად გამოძიების ფედერალური ბიუროს (FBI) სპეციალურ აგენტს, პეტროვიკს, იწვევენ, რათა მკვლელის ფსიქოლოგიური პროფილი შეადგინოს და მისი შემდეგი ნაბიჯი იწინასწარმეტყველოს. თუმცა გამოძიება თავიდანვე რთულდება, რადგან სხვადასხვა უწყება ერთმანეთთან თანამშრომლობის ნაცვლად გავლენისთვის ბრძოლას იწყებს.
