ობოლთა თავშესაფარში გატარებული რთული ბავშვობის შემდეგ ერთ-ერთმა ოჯახმა გადაწყვიტა ნიკას და რიჯელის შვილად აყვანა. მიუხედავად იმისა, რომ ნიკას და რიჯელს ტკივილისა და გაჭირვების საერთო წარსული აერთიანებთ, ერთად ცხოვრება შეუძლებელი ჩანს, თუმცა მათ მოუწევთ იპოვონ გამბედაობა, მიიღონ ის ძალა, რომელიც მათ ერთმანეთისკენ იზიდავს, რომელსაც სიყვარული ჰქვია...
DC-ის 2018 წლის ფილმის „აქვამენი“ გაგრძელება მოგვითხრობს ატლანტიდის დედოფლის ვაჟისა და შვიდი ზღვის მმართველის ძლევამოსილი აქვამენის შესახებ, რომელიც ახლა შვილის აღზრდასა და ატლანტიდის მართვაზეა კონცენტრირებული. თუმცა მას კვლავ მოუწევს დაპირისპირება თავის დაუძინებელ მტერთან შავ მანტასთან, რომელიც ატლანტიდით შეპყრობილ საზღვაო ბიოლოგ სტივენ შინთან ერთად ახალ საფრთხეს ქმნის.
გრძელი და სახიფათო მოგზაურობის დროს, შუა ოკეანეში აღმოჩენილი ეკიპაჟი უცნაური და შემზარავი მოვლენების წინაშე აღმოჩნდება. ღამღამობით გემზე ბნელი ძალა ჩნდება და მეზღვაურების დევნას იწყებს, რის შედეგადაც ეკიპაჟში შიში და პანიკა ისადგურებს. როდესაც გემი საბოლოოდ უიტბი-ს ნავსადგურში ჩააღწევს, ბორტი სრულიად ცარიელი აღმოჩნდება, ხოლო ეკიპაჟის გაუჩინარების კვალი არსად ჩანს.
როდესაც მისი სურვილი კოსმოსში იგზავნება, ის იღებს ბევრად უფრო რეალურ პასუხს, ვიდრე წარმოედგინა დედამიწაზე ჩამოდის ონავარი და ენერგიული ვარსკვლავი, რომელიც მის ცხოვრებას სრულიად ცვლის.
საშინელებათა ფანტასტიკა, რომელშიც მოვლენები ვითარდება მეორე მსოფლიო ომის შემდგომ იაპონიაში, რომელიც მოგვითხრობს საშინელი და აბსოლუტური ძალის მქონე ურჩხულის, გოძილას შესახებ. უკვე ომით განადგურებული იაპონია მოულოდნელად გიგანტური გოძილას ახალი საფრთხის წინაშე აღმოჩნდება, რომელსაც ქვეყანა კიდევ უფრო საზარელ განადგურებამდე მიჰყავს…
ლაბორატორიაში მუშაობის დროს მომხდარი უბედური შემთხვევის შემდეგ, ახალგაზრდა ფიზიკოსი ბარი ალენი ტოქსიკური ქიმიკატების სასიკვდილო დოზით დასხივებული სასწაულებრივად გადარჩება. მეტამორფოზები, რომლებიც წარმოიშვება მის დნმ-ში სწრაფად ცვლის მას და იგი – ფანტასტიკური სიჩქარის განვითარების სუპერ უნარს იძენს. შედეგად, სუპერგმირად ქცეულ ბარის ადვილად შეუძლია სინათლეზე სწრაფად გადაადგილება. სამყაროები ერთმანეთს ეჯახებიან, როდესაც ბარი იყენებს თავის ზეშესაძლბლობას წარსულში მოგზაურობისთვის, რათა შეცვალოს წარსულის მოვლენები. მაგრამ როდესაც მისი ოჯახის გადარჩენის მცდელობა უნებურად ცვლის მომავალს, ბარი აღმოჩნდება რეალობის ხაფანგში, სადაც გენერალი ზოდი ბრუნდება განადგურების მუქარით. ახლა ბარიმ პენსიაზე გასული ბეტმენი უნდა დაიყოლიოს და გადაარჩინოს დაპატიმრებული კრიპტონიელი. საბოლოო ჯამში, იმისთვის, რომ გადაარჩინოს სამყარო, რომელშიც ის იმყოფება და დაბრუნდეს მისთვის ნაცნობ მომავალში, ბარის ერთადერთი იმედი თავისი სიცოცხლისთვის რბოლაა.
ამავე სახელწოდების ლეგენდარული ფენტეზური სამაგიდო როლური თამაშის ეკრანიზაცია, რომელშიც მოვლენები გამოგონილ ზღაპრულ-სამყაროში ვითარდება, სადაც დრაკონები და ორკები, გნომები და ელფები, ჯადოქრები და რაინდები ერთად ცხოვრობენ. მათ ფანტასტიკური თავგადასავლები ელოდებათ, სადაც დაკარგული რელიქვიის საპოვნელად, მომხიბვლელი ქურდი და მისი ავანტიურისტთა ჯგუფი ეპიკურ ძარცვას გეგმავენ, მაგრამ ყველაფერი თავდაყირა დგება, როდესაც ისინი ბოროტ ადამიანებს წააწყდებიან.
მეფე ტრიტონის უმცროსი ქალიშვილები და ყველაზე თავდაუზოგავი, არიელს სურდა მეტი გაიგოს ზღვის მიღმა სამყაროს შესახებ და ზედაპირული მონახულებისას, შეუყვარდება გაბედული პრინცი ერიკი. ქალთევზებთან, რომლებსაც ადამიანებთან ურთიერთობა ეკრძალებათ, არიელი დებს გარიგებას ზღვის ბოროტ ჯადოქართან, ურსულასთან, რაც მას აძლევს შანსს განიცადოს ცხოვრება ხმელეთზე, მაგრამ საბოლოოდ მის სიცოცხლეს - და მამის გვირგვინს - საფრთხეში აყენებს.
ბრემ სტოკერის ცნობილ რომანზე “დრაკულა” დაფუძნებული ფენტეზური ჰორორ-კომედია, ისტორიაში ყველაზე ნარცისული ბოსის, გრაფ დრაკულას ერთგული, მაგრამ დატანჯული ლაქიის, რენფილდის შესახებ, რომელიც იძულებულია ინადიროს თავისი ბატონის მსხვერპლზე და შეასრულოს მისი ყველა დავალება, როგორი დამამცირებელიც არ უნდა იყოს ისინი. თუმცა, მრავალსაუკუნოვანი მონობის შემდეგ ყველაფერი შეიცვლება, როდესაც რენფილდს მოხერხებული საგზაო პოლიციელი რებეკა კუნისი შეუყვარდება და ახალი ცხოვრების დაწყებას გადაწყვეტს.
კომპანია Mattel-ის ამავე სახელწოდების სათამაშოების სერიაზე დაფუძნებული რომანტიკული კომედია, ბარბილენდში მცხოვრები თოჯინა ბარბის შესახებ, რომელსაც თავისი სამყაროდან გააძევებენ იმის გამო, რომ არ არის საკმარისად სრულყოფილი, ძალიან ექსცენტრიულია და არ ერგება ტრადიციულ შაბლონს. შედეგად, მთავარი გმირი თავგადასავლებით სავსე მოგზაურობაში მიდის რეალურ სამყაროში და როცა ბარბილენდში ბრუნდება მის გადასარჩენად, ხვდება, რომ სრულყოფილება შიგნითაა და არა გარეთ, და რომ ბედნიერების გასაღები საკუთარი თავის რწმენაშია.
ფილმი მოგვითხრობს ლონდონში მდებარე იდუმალი ფირმის J.W. Wells & Co. სტაჟიორების, პოლ კარპენტერისა და სოფი პეტინგელის შესახებ, რომლებიც რაც უფრო დიდხანს მუშაობენ, მით უფრო ნათლად ხვდებიან, რომ მათი კოლეგები უჩვეულო ადამიანები არიან. მალე გმირები გაიგებენ, რომ კომპანიის ლიდერები არიან ნამდვილი ქარიზმატული ბოროტმოქმედები, რომლებიც გეგმავდნენ ჯადოსნური სამყაროს განადგურებას
გლეხი ხის ოსტატი ჯეპეტო ტრაგიკული დანაკარგის შემდეგ პატარა ხის ბიჭუნას, პინოქიოს, ქმნის. მოულოდნელად პინოქიო ცოცხლდება და ჯეპეტოს ცხოვრებაში ახალი იმედი ჩნდება. თუმცა ცოცხალ ხის ბიჭს წინ რთული გზა ელოდება - მან უნდა ისწავლოს სიყვარული, ერთგულება და საკუთარი არჩევანის შედეგებზე პასუხისმგებლობა. მოქმედება 1930-იანი წლების იტალიაში ვითარდება, ფაშისტური რეჟიმის პერიოდში. პინოქიო ცდილობს გაიგოს, რას ნიშნავს იყო ნამდვილი ადამიანი, მაშინ როდესაც მის გარშემო მყოფები მას საკუთარი მიზნებისთვის იყენებენ. მისი მეგობარი კრიკეტი კი ცდილობს, სწორ გზაზე დარჩენაში დაეხმაროს.
ნახევრად ქათამი და ნახევრად კურდღელი ახალგაზრდა გმირი თავისი უჩვეულო გარეგნობის გამო ხშირად თავს გარიყულად და მარტოსულად გრძნობს. განსხვავებულობა მისთვის მუდმივი დაბრკოლებაა, თუმცა მასში დამალული სიმამაცე და თავგადასავლების სურვილი მალე ნამდვილ გამოცდას შეხვდება. როდესაც მისი ბოროტი ბიძა ძლიერი და იდუმალი არტეფაქტის ხელში ჩაგდებას და სამეფოს დაპყრობას გეგმავს, ახალგაზრდა გმირი მეგობრებთან ერთად სახიფათო მოგზაურობაში მიდის. მათ წინ უამრავი დაბრკოლება, საიდუმლო და მოულოდნელი საფრთხე ელოდებათ.
„შავი დრაკონის“ კლანის მიერ დედამიწის სამყაროს დაპყრობის დროს ახალგაზრდა და უშიშარი მებრძოლი კენში სასტიკ ბრძოლაში კანოს უპირისპირდება. დაპირისპირების შედეგად ის მხედველობას კარგავს და თითქოს ბრძოლაში დაბრუნების ყოველგვარ შესაძლებლობას კარგავს. თუმცა კენში დანებებას არ აპირებს. ვეტერანი მებრძოლი საბ ზერო მას საკუთარ თავთან და ახალ რეალობასთან გამკლავებაში ეხმარება და განსაკუთრებულ წვრთნას უტარებს. კენში თანდათან სწავლობს სამყაროს სხვაგვარად აღქმას და აღმოაჩენს, რომ დაკარგული მხედველობის მიუხედავად, მას ბრძოლის ახალი შესაძლებლობები აქვს.
ვიჩერის სამყაროში განვითარებული მოვლენებიდან ათასზე მეტი წლით ადრე ელფების კონტინენტზე ძალაუფლებისთვის სასტიკი ბრძოლა მიმდინარეობს. სხვადასხვა წარმომავლობის შვიდი მებრძოლი საერთო მტრის წინააღმდეგ ერთიანდება, რათა დაუპირისპირდეს იმპერიას, რომელიც ხალხის თავისუფლებას საფრთხეს უქმნის. მათი მოგზაურობა უძველეს საიდუმლოებებს, დაკარგულ მაგიასა და მოვლენებს უკავშირდება, რომლებმაც სამყაროს მომავალი სამუდამოდ შეცვალა. სწორედ ამ პერიოდში იწყება ისტორია, რომელმაც პირველი ვიჩერის შექმნასა და სხვადასხვა სამყაროს გაერთიანებას დაუდო საფუძველი.
საიდუმლოებით, შიშითა და წარმოსახვის ბნელი მხარეებით სავსე ისტორიების კრებული მაყურებელს სრულიად განსხვავებულ და მოულოდნელ სამყაროში ამოგზაურებს. თითოეული ეპიზოდი დამოუკიდებელ ისტორიას გვთავაზობს, სადაც უჩვეულო მოვლენები, იდუმალი არსებები და ადამიანური ბუნების ბნელი მხარეები ერთმანეთში იკვეთება. მიტოვებული სახლები, დაწყევლილი ნივთები, ზებუნებრივი ძალები და აუხსნელი მოვლენები გმირებს ისეთ სიტუაციებში აგდებს, სადაც რეალობისა და კოშმარის ერთმანეთისგან გარჩევა თითქმის შეუძლებელი ხდება. თითოეულ ისტორიას საკუთარი ატმოსფერო, პერსონაჟები და შიშის უნიკალური ფორმა აქვს.
მორფეუსი, სიზმრების მბრძანებელი, საიდუმლო რიტუალის ჩატარების შედეგად ვიღაც ოკულტისტმა შეიპყრო. 70 წლის შემდეგ ის ტყვეობიდან გაქცევას ახერხებს. მისი არყოფნის დროს სამყარო ძალიან შეიცვალა. ახლა მორფეუსმა თავისი ყოფილი ძალა უნდა დაიბრუნოს
პოპულარული ანიმაციური კომედიური ფრენჩაიზის “სასტუმრო ტრანსილვანია 3: ზაფხულის არდადეგები“ მეოთხე და დასკვნითი ნაწილი, სასტუმროს მფლობელი გრაფი დრაკულასა და მისი საყვარელი მონსტრების ოჯახის ახალი თავგადასავლების შესახებ, რომლის ბნელ ციხე-სასტუმროში მონსტრები ცივილიზაციისგან და ადამიანის თვალისგან შორს ისვენებენ, სადაც ყველაფერი თავდაყირა დადგება, როდესაც ლეგენდარული პროფესორის აბრაამ ვან ჰელისგინის იდუმალი გამოგონება, “მონსტრიფიცირების სხივი” გაფუჭდება და შემთხვევით დრაკულას და მის მეგობრებს ადამიანებად, ხოლო ჯონის – პირიქით, მონსტრად გადააქცევს.
იდუმალ ძალას მთვარე მისი ორბიტიდან გადაჰყავს და მას დედამიწისკენ მოძრაობას აიძულებს, რაც პლანეტაზე კატაკლიზმების პროვოცირებას ახდენს. მსოფლიო განასგურების პირას აღმოჩნდება, მაგრამ შეჯახებამდე რამდენიმე დღით ადრე, NASA–ში მომუშავე ყოფილი ასტრონავტი ჯო ფაულერი დარწმუნებულია, რომ მას ამ კატასტროფის თავიდან აცილების და კაცობრიობის გადარჩენის გასაღები აქვს, თუმცა ცოტას სჯერა ფაულერის, გარდა მისი ყოფილი კოლეგის, ბრაიან ჰარპერის და შეთქმულების თეორეტიკოსის კ. ჰასუმენის. შედეგად, გმირები დედამიწაზე ტოვებენ ყველას, ვინც მათ უყვართ, და შეუსრულებელ უკანასკნელ მისიაში მიდიან კოსმოსში, სადაც ისინი აღმოაჩენენ, რომ ჩვენი მთვარე ისეთი არ არის ის, როგორიც ჩვენ გვონია.
ექშენ-ჰორორი, ახალგაზრდა მეცნიერის, მაიკლ მორბიუსის (ჯარედ ლეტო) შესახებ, რომელიც სისხლის იშვიათი დაავადებისგან განკურნებას, ძალიან ორიგინალური საშუალებით – ღამურების დახმარებით გადაწყვეტს, მაგრამ შემთხვევით ცოცხალ ვამპირად გადაიქცევა და ნამდვილი ვამპირის წარმოუდგენელ ძალას მიიღებს. თავიდან ის, რაც ერთი შეხედვით, რადიკალურ წარმატებად ჩანდა, მალე დაავადებაზე უარესი აღმოჩნდება. ადამიანის სისხლის მიმართ საკუთარი წყურვილისადმი ზიზღის მიუხედავად, მორბიუსი ადამიანებზე ნადირობას იწყებს, ოღონდ მხოლოდ დამნაშავეებზე, რომლებსაც იგი სიცოცხლის ღირსად არ თვლის.
