ფილმის მოქმედება 1990-იან წლებში, პაპუა-ახალი გვინეის კუთვნილ კუნძულ ბუგენვილზე, სამოქალაქო ომის პერიოდში ვითარდება. თომას უოტსი კუნძულზე დარჩენილი ერთადერთი თეთრკანიანია, რომელიც მთავრობის ჯარების ალყაში მოქცეულ ტერიტორიაზე ბავშვებს სკოლაში ჩარლზ დიკენსის რომანს, „დიდი იმედები“, უკითხავს. 14 წლის მატილდა წიგნის სამყაროში იძირება და მის ფურცლებში ნუგეშს, შთაგონებასა და იმედს პოულობს. მაშინ, როცა მის გარშემო ყველაფერი ინგრევა, ლიტერატურა მისთვის თავშესაფრად და უკეთესი მომავლის რწმენის წყაროდ იქცევა.