ფილმი გლობალური დათბობის წინააღმდეგ შექმნილი ექსპერიმენტული პრეპარატის, კოდური სახელწოდებით CW-7, ისტორიას მოგვითხრობს. პრეპარატმა კლიმატის ცვლილების შეჩერების ნაცვლად დედამიწა მარადიულ ზამთარში ჩააგდო და პლანეტაზე სიცოცხლე თითქმის მთლიანად გააქრო. გადარჩენილი ადამიანები ერთადერთ მოძრავ თავშესაფარში, მატარებელში ცხოვრობენ, რომელიც უკვე 18 წელია მსოფლიოს გარშემო უწყვეტად მოძრაობს. მატარებელში მკაცრი სოციალური იერარქიაა დამყარებული - ელიტა პირველ ვაგონებში ცხოვრობს, ხოლო დაბალი ფენის ადამიანები ბოლო ვაგონებში მძიმე პირობებში იმყოფებიან. წლების განმავლობაში დაგროვილი უსამართლობის ფონზე ისინი აჯანყებას გეგმავენ და მატარებლის წინა ნაწილამდე, თავისუფლებისა და უკეთესი ცხოვრებისკენ მიმავალ გზას იწყებენ.