1978 წელს ბანაკის ორი კონკურენტი ჯგუფი უნდა გაერთიანდეს, რათა ამოხსნან საშინელი საიდუმლო, როდესაც მათი ქალაქების ისტორიიდან საშინელებები გაცოცხლდება.
1994 წელს, თინეიჯერების ჯგუფი საშინელი მოვლენების მომსწრე გახდება, რომლებსაც ერთმანეთთან რაღაც აკავშირებთ...
ხუთი ადამიანი მგზავრობისას ავარიაში მოყვებიან, გონს კი სრულიად უცხო ადგილას მოვლენ. გზა, რომლითაც ისინი მიდიოდნენ, გაქრა, გარშემო კი მხოლოდ უღრანი ტყეა, შუაში კი ხის სახლი, რომელიც შემზარავ კულტს ეკუთვნის.
ფილმი სმენადაქვეითებული ახალგაზრდა გოგონას ელისის შესახებ მოგვითხრობს, რომელიც ღვთისმშობელის სავარაუდო გამოცხადების შემდეგ, აუხსნელი მეთოდით სმენის, ლაპარაკის და ავადმყოფების განკურნების შესაძლებლობას შეიძენს. იმ დროს როდესაც ხმები ვრცელდება და ადამიანები მთელი მსოფლიოდან ელისის სასწაულების სანახავად მის გარშემო იკრიბებიან, დისკრედიტებული ჟურნალისტი კარიერის განახლების იმედით ახალი ინგლსის პატარა ქალაქში მიემგზავრება, სადაც ამ იდუმალი საქმის გამოძიებას იწყებს. მაგრამ როდესაც ჟურნალისტის გარშემო საშინელი მოვლენები ვითარდება, იგი სვამს კითხვას, არის თუ არა ის, რაც ხდება ღვთისმშობლის ქმედებები თუ ელისი ბოროტი ძალების მიერ კონტროლდება?
კოულ იანგი – თანამედროვე შერეული ორთაბრძოლების ახალგაზრდა მებრძოლია, რომელიც ფულის გულისთვის წაგებას შეეგუა, არაფერი იცის თავისი მემკვიდრეობის და იმის შესახებ, თუ რატომ გააგზავნა მასზე სანადიროდ გარე სამყაროს იმპერეტორმა შანგ ცუნგიმ მისი საუკეთესო მებრძოლი, ძლევამოსილი კრიომანსერი საბ ზირო. ოჯახის უსაფრთხოებისთვის, კოული სპეცრაზმის მაიორის ჯექსონის, რომელსაც იგივე უცნაური დრაკონის ნიშანი აქვს, როგორც მას, რჩევით სონა ბლეიდის მოსაძებნად მიდის. მალე ის უხუცესი ღმერთისა და დედამიწის სამეფოს მფარველის, ლორდ რეიდენის ტაძარში აღმოჩნდება, რომელიც თავშესაფარს აძლევს მათ, ვინც ნიშანს ატარებს. აქ იანგი გამოცდილ მებრძოლებთნ ლიუ კანისთნ, კუნგ ლაოსთან და კანოსთნ ვარჯიშობს, რომლებიც სამყაროსთვის ბრძოლაში გარე სამყაროს მტრებთან დასაპირისპირებლად დედამიწის უდიდეს ჩემპიონებთან ერთად ემზადებიან. მაგრამ შეძლებს კოული საკუთარ თავში მისი სულის უზარმაზარი ძალის – არკანას დროულად გამოღვიძებას?
დაფუძნებულია ნიუ იორკ ტაიმსის ბესტსელერ მემუარზე „გუანტანამოს დღიური“. ეს არის სლასის თავისუფლებისთვის ბრძოლის რეალური ისტორია , რომელიც ამერიკის შეერთებულმა შტატებმა რამდენიმე წლით , ბრალდების წაყენების გარეშე ციხეში ჩასვა. ის ადვოკატად ნენსი ჰოლენდერს დაიქირავებს და შტატებიs მთავრობის წინააღმდეგ სამართლებრივ ბრძოლას წამოიწყებს. ფილმი მოგვითხრობს შოკისმომგვრელ სიმართლეს და ადამიანის სულის თავისუფლების დაუოკებელ წყურვილს.
ჰატჩი მენსელი დაუფასებელი მამა და ქმარი, არაფრით გამორჩეული ადამიანია, რომელმაც საზოგადოებაში პატოვოსცემის მოპოვება ვერ მოახერხა. ერთ ღამეს, როდესაც ორი ქურდი მის ქალაქგარეთ მდებარე სახლში შეიჭრება, ჰატჩი მძიმე ძალადობის თავიდან აცილების მიზნით, უარს ამბობს საკუთარი თავის და ოჯახის დაცვაზე. შედეგად, მისი ოჯახი და მეზობლები მის მიმართ იმედგაცრუებულნი რჩებიან და მასთან ურთიერთობა აღარ სურთ. თუმცა როდესაც მის მეზობელს იგივე ორი ქურდი დაესხმება თავს, განრისხებული მთავარი გმირი მოქმედებას იწყებს და ორივე ქურდს კლავს. ეს მასში მიძინებული ინსტიქტების და სასიკვდილო უნარების გამოღვიძებას გამოიწვევს, რაც მას სისასატიკის გზისკენ უბიძგებს. თუმცა, მენსელი და მისი ოჯახი შურისმაძიებელი რუსი ნარკობარონის სამიზნე გახდება, ახლა მან საშიში მტრისგან უნდა შეძლოს ოჯახის დაცვა და ყველაფერი გააკეთოს იმისთვის, რომ ის აღრასოდეს აღარ შეაფასონ, როგორც არავინ.
წარმატებული მამის ჩრდილქვეშ მყოფი დეტექტივი ეზეკიელ "ზეკე" ბანქსი და მისი ახალბედა მეწყვილე საზარელი მკვლელობების სერიის გამოძიებას გადაწყვეტენ, რაც ქალაქის ბნელ საიდუმლოებებს გამოაშკარავებს. "ზეკე" უნებლიედ ხაფანგში - მკვლელის თამაშის ცენტრში აღმოჩნდება.
მაშინ, როდესაც დედამიწის ზედაპირზე მონსტრები დააბიჯებენ, ადამიანების მომავავალი გოძილას და კონგის ბრძოლაში წყდება.
დიდი ხნის წინ, კუმანდრას ფანტაზიის სამყაროში, ადამიანები და დრაკონები ერთად ცხოვრობდნენ ჰარმონიულად. როდესაც დრუუნის სახელით ცნობილი ბოროტი ურჩხულები დედამიწას ემუქრებოდნენ, დრაკონებმა თავი გასწირეს კაცობრიობის გადასარჩენად. ახლა, 500 წლის შემდეგ, იგივე მონსტრები დაბრუნდნენ და ყველაფერი ერთ მეომარზეა დამოკიდებული, რომელმაც უნდა მოძებნოს უკანასკნელი დრაკონი და იხსნას დედამიწა განადგურებისგან.
ახალგაზრდა ტოდი ჰიუტი დედამიწელების მიერ კოლონიზებულ შორეულ პლანეტაზე მდებარე ქალაქ პრენტისტაუნში ერთადერთი ბიჭია. კაცობრიობის გადარჩენის ახალი იმედის პლანეტაზე, კოლონისტები “ხმაურით” დაინფიცირდებიან, რის შედეგადაც ყველა ქალი უკვალოდ გაუჩინარდება, ხოლო გადარჩენილი მამაკაცები ერთმანეთის აზრების დანახვას და მოსმენას ისწავლიან. მოულოდნელად ტოდი სხვების აგრესიულ და საეჭვო აზრების ხმაურში მკაფიოდ არჩევს, რომ ქალაქის მაცხოვრებლები მისგან რაღაცას მალავენ – რაღაც იმდენად საშინელს, რომ ჰიუტი იძულებულია გაიქცეს. თუმცა, როგორ და სად უნდა გაიქცე, როცა შენს მდევრებს შენი ყოველი ფიქრი ესმით? დევნისგან თავის დაღწევისას გმირი უცნაურ არსებას შეხვდება – გოგონას, რომლის აზრებიც ტოდს არ ესმის. ვინ არის ის? რატომ არ გაანადგურა ვირუსმა? ახლა ჰიუტის ყველაფრის დავიწყება მოუწევს რათა გაარკვიოს ვინ არის სინმადვილეში.
მას შემდეგ, რაც მოულოდნელი გლობალური მოვლენა კაცობრიობას ძილის უნარს უკარგავს, ქაოსი სწრაფად იწყებს სამყაროს მოხმარებას
მძაფრსიუჟეტიანი ნეო-ვესტერნი, რომელშიც მოვლენები მონტანას დიდ ეროვნულ ტყეში ვითრდება და 12 წლის ბიჭის კონორ კასერლის შესახებ მოგვითხრობს, რომელიც ტყეში მისი მამის მკვლელობის მოწმე გახდება. მკვლელების მიერ დევნილი ახალგაზრდა კონორი მალე ვეტერან მეხანძრეს და ველურ ბუნებაში გადარჩენის ექსპერტს ჰანა ფაბერს შეხვდება, რომელიც მას თავის სათვალთალო კოშკზე თავშესაფარს სთავაზობს. მაგრამ როდესაც მკვლელები კვალის დასაფარად ტყეს ცეცხლს წაუკიდებენ, ისინი იძულებულნი არიან მათ კვალზე მიმავალ მკვლელებს აჯობონ, და სასიკვდილო ხანძარს გადაურჩნენ, რომელიც გმირებს განადგურებით ემუქრება.
დინი, კოლეჯის სტუდენტი და ლონგი, ცინიკური, მაგრამ ყოვლისშემძლე დრაკონი, რომელსაც სურვილების ასრულება შეუძლია, გაემგზავრნენ დინის დიდი ხნის დაკარგული ბავშვობის მეგობრის, ლინასკენ.
ილინოისის „შავი პანტერების პარტიის“ თავმჯდომარის, ფრედ ჰამპტონის ისტორია, და გამოძიების ფედერალური ბიუროს ინფორმანტის - უილიამ ო’ნილის მიერ მისი საბედისწერო ღალატი.
დრაკის არაჩვეულებრივი გოლიათი ლეკვი ტინკლზი, დიდი ენერგიის პატრონია და ბურთის თამაში უნდა. სამწუხაროდ, დრაკი ძალიან დაკავებულია თავისი საქმეებით სასტუმროში.
ამავე სახელწოდების თინეიჯერული რომანის ეკრანიზაცია 16 წლის ვივიან კარტერის შესახებ, რომელსაც ყელში ამოუვიდა, რომ მისი პატარა ქალაქის სკოლაში ბიჭებს ყველაფრის გაკეთების უფლება აქვთ. მას აღარ სურს სკოლის დერეფანში სექსისტური ხუმრობებისა და შევიწროების ატანა. მაგრამ ყველაზე მეტად ის სულელური და უაზრო წესების დაცვით დაიღალა. მისი დედის მეამბოხე წარსულით შთაგონებული ვივიანი ფემინისტურ ბროშურებს სახელწოდებით “მოქსი”-ს ქმნის და მათ სკოლის მოსწავლეებს შორის ანონიმურად ავრცელებს. ის, რაც მისთვის განმუხტვის საშუალება უნდა ყოფილიყო, მოულოდნელად სკოლაში მრავალ გოგონაში ჰპოვებს გამოხმაურებას. ძალიან მალე ახალგაზრდა გმირი ხვდება, რომ მან ნამდვილი რევოლუციური ბრძოლა დაიწყო გოგონების უფლებებისთვის, რაც სკოლის მასშტაბით რისხვას გამოიწვევს.
ნევადას უდაბნოში მდებარე საიდუმლო სამხედრო ბაზა, “ზონა 51”-ში მოულოდნელად ზომბი ვირუსი ჩნდება. აშშ-ს მთავრობა ზომბების არმიის მიერ დაკავებული ცოდვების ქალაქის გარშემო კედლის აშენებით, ეპიდემიის აფეთქების შეჩერებას ახერხებს, მაგრამ მთელი სიმდიდრე ზომბებით სავსე კაზინოებში რჩება. დაქირავებული მკვლელბის ჯგუფი სკოტ უარდის მეთაურობით, გარისკვას და საკარანტინო ზონაში, ლას-ვეგასში წასვლას გადაწყვეტს. ისინი ისტორიაში ყველაზე ეპიკურ ძარცვას გეგმავენ, სადაც გმირებს კაზინოს ჩვეულებრივი დაცვის ბარიერების და ვეგასის მაფიის ბოსების ნაცვლად ზომბებთან ბრძოლა მოუწევთ.
მანჰეტენელი მხატვარი ოჯახთან ერთად ისტორიულ სოფელში გადადის საცხოვრებლად ჰუძონის ხეობაში. ახალ ცხოვრებას დაიწყებს, თუმცა ეჭვები შეიპყრობს - მის ქორწინებას საშინელი ბნელი მხარეც აქვს, რაც მათი ახალი სახლის ისტორიას უკავშირდება. ფილმი ელიზაბეტ ბრანდეიჯის ამავე სახელწოდების რომანის მიხედვითაა გადაღებული.