ოსკაროსანი რეჟისორის სტივენ სოდერბერგის აიფონით გადაღებული ფსიქოლოგიური ჰორორ-თრილერი ახალგაზრდა ქალზე, რომელსაც ფსიქიატრიულ საავადმყოფოში იძულებითი გამოკეტავენ, სადაც მას თავის ყველაზე დიდ შიშთან მოუწევს პირისპირ შეხვედრა. ახლა მთავარ გმირს ისღა დარჩენია გაარკვიოს: მისი შიში რეალურია, თუ ის უბრალოდ მისი წარმოსახვის ნაყოფია? მაგრამ სად მთავრდება რეალობის საზღვრები და იწყება ხილვები?
მდევრისგან თავდასაცავად ბამბლი, კალიფორნიის შტატის - პატარა ქალაქის, ავტომობილების სასაფლოზე იმალება. იქ ცხოვრობს გოგონა ჩარლი. მას მალე 18 წელი შეუსრულდება. ის ცდილობს საკუთარი თავის დამკვიდრებას ამ ქვეყანაზე. სწორედ ის იპოვნის დამტვრეულ ბამბლის და მოიყვანს გონზე. გოგონა მიხვდება, რომ ყვითელი ფოლცვაგენი ხოჭო უბრალო მანქანა არ არის.
სამ დაქალს გამოსაშვები საღამოსთვის გრანდიოზული გეგმები აქვთ. შემთხვევით ამის შესახებ შეიტყობენ მათი მშობლები და გადაწყვეტენ ეს არ დაუშვან, რა ფასადაც არ უნდა დაუჯდეთ ეს...
უილი და ტომი, რომლებიც ტყეში ცხოვრობენ, თვლიან რომ ჯობია წვიმის წყალი დალიონ და ბუნების საჩუქრებით იკვებონ, ვიდრე ადამიანების გარემოცვაში იცხოვრონ. მაგრამ საზოგადოებრივ მიწაზე ცხოვრება იკრძალება და მას შემდეგ რაც მათ რეინჯერები და სოც-მუშაკები აღმოაჩენენ საცხოვრებელი ადგილის დატოვება და სამოგზაუროდ წასვლა მოუწევთ.
ენი დიდი ხნის ურთიერთობაშია დუნკანთან, რომელიც როკერი ტუკერ ქროუის აკვიატებული ფანია. როდესაც ტუკერის 25 წლის წინ შექმნილი ჰიტი, კვლავ პოპულარული გახდება, დუნკანი შეხვდება როკერს და სწორედ მასთან შეხვედრის შემდგომ, რადიკალურად, შეიცვლება მისი ცხოვრება. .
მე-18 საუკუნის დასაწყისი. ინგლისი საფრანგეთს ებრძვის. ამის მიუხედავად, გაცხარებული მიმდინარეობს იხვების შეჯიბრი და ანანასსაც არავინ იკლებს. ტახტზე ავადმყოფი დედოფალი ანა ზის, ხოლო ქვეყანას მისი ახლო მეგობარი, ლედი სარა განაგებს. როდესაც ახალი მოახლე, ებიგაილი ჩამოდის, სარა მისით იხიბლება. სარა მასზე ზრუნავს და ებიგაილსაც უჩნდება შესაძლებლობა, რომ თავის არისტოკრატულ ფესვებს დაუბრუნდეს. სარა ომისგან დაღლილია და ამ დროს ებიგაილი მას სიცარიელეს უვსებს, როგორც დედოფლის კომპანიონი.
ჩვენთვის საყვარელი გმირი დრაკულა და მისი ოჯახი შვებულების გასატარებლად მონსტრულ კრუიზზე მიემართება, სადაც მათ მრავალი საინტერესო თავგადასავლი ელით.
ამერიკის ერთი პატარა ქალაქის ბაპტისტი მღვდლის ოჯახი გაიგებს, რომ მათი 19 წლის ვაჟი, ჯარედი, ჰომოსექსუალია. ჯარედს ულტიმატუმს წაუყენებენ: ან გეი კონვერტაციის თერაპიის პროგრამაში ჩაერთვება, ან სამუდამოდ გასახლებული და მოკვეთილ იქნება ოჯახიდან და გარიყული მეგობრებისგან.
თოვლის კაცი ისეთ რამეს აღმოაჩენს, რაც ეგონა რომ არ არსებობდა - ეს ადამიანია. სიახლე "წვრილფეხას" არსებობის შესახებ სწრაფად გავრცელდება თოვლისკაცების სოფელში. ნუთუ, რაღაც დიდი და წარმოუდგენელი სამყარო შეიძლება არსებობდეს მათი თოვლიანი სოფლის მიღმა.
მდინარე ტაჰოსთან განთავსებულ მიტოვებულ სასტუმროში, ერთმანეთისთვის სრულიად უცხო 7 ადამიანი იკრიბება, რომელთაგან თითოეულს საკუთარი ბნელი საიდუმლო გააჩნია. ამ ღამეს, ყველა მათგანს, ექნება ერთი შანსი დანაშაული გამოისყიდოს.
40 წლის ლიზა, ქმართან და 2 ქალიშვილთან ერთად ცხოვრობს. თითქმის 20 წელია რაც ბაღში აღმზრდელად მუშაობს და ამასთან ერთად გატაცებულია პოეზიით. მოულოდნელად მის 5 წლის აღსაზრდელს ლიზა აღმოუჩენს გენიალურ პოეტურ ნიჭს. იგი ეხმარება ვუნდერკინდს, ცდილობს დაიცვას მშობლების პრიმიტიულობისგან და სრულიად მატერიალური სამყაროსგან. იმისათვის რომ აღზარდოს პოეტი და აიხდინოს მთავარი ოცნება, ლიზა რისკავს რგორც კარიერას, ასევე ოჯახსა და თავისუფლებას.
ლანა ჯინის წარმოსახვაში არსებული სასიყვარულო ცხოვრება რეალობად იქცევა, როდესაც მისი პირადი სასიყვარულო წერილები, რომლებსაც იგი იმ ბიჭებს წერდა, ვინც კი ოდესმე ჰყვარებია, გასაჯაროვდება...
მწერალი გაბრიელ-სიდონი კოლეტის ბიოგრაფიული ისტორია. XIX საუკუნე. ახალგაზრდა გოგონა კოლეტი, მის ფრანგ ქარიზმატულ და ავტორიტეტულ მეუღლესთან ვილისთან ერთად სოფელში ცხოვრობს. ერთ დღეს ვილი გაიგებს, რომ კოლეტი მოთხრობებს წერს და მათი საკუთარი სახელით გამოქვეყნებას გადაწყვეტს. მალე ვილი დიდებას მოიპოვებს და პარიზული ბოჰემის ნაწილი გახდება. კოლეტი მარტო რჩება, თუმცა გოგონა ჩრდილიდან გამოსვლას, სოციალური და სექსუალური თავისუფლებისთვის ბრძოლას, და დიდების მიღწევას ნებისმიერ ფასად გადაწყვეტს…
1983 წელი. ხისმჭრელი რედი ცოლთან ერთად ტყეში ცხოვრობს ტბის მახლობლად. ტყეში ბოროტება დასახლდა - რელიგიური კულტი ჯოჯოხეთური ბაიკერების გუნდით. სერნობისას რედის ცოლი კულტის ლიდერს მოეწონა, მან ბაიკერებს უბრძანა მისი მოტაცება. იგი დაწვის რიტუალზე შესწირეს მსხვერპლად. რედს შურსძიების გარდა არაფერი დარჩა...
ხუთი წელი გავიდა მას შემდეგ, რაც სოფი მისი მამობის კანდიდატებს შეხვდა. იგი ცდილობს გაარკვიოს რომელია მისი ბიოლოგიური მამა. ამავე დროს დონას უწევს მიიღოს არჩევანი და გადაწყვიტოს, რომელი მამაკაცია მსი ცხოვრების ნამდვილი თანამგზავრი. მაგრამ არჩევანის გაკეთება ძალიან რთულია, რადგან სამივეს აქვს ისეთი თვისებები, რომლებიც დონას იზიდავს...
ფილმი ახალგაზრდა წყვილზე მოგივთხრობს, რომლებიც სერიოზულ პრობლემებს აწყდებიან, მას შემდეგ, რაც სამ ბავშვს იშვილებენ ერთის მაგივრად.
ნამდვილი ამბავი კოლორადოელ პოლიციის საიდუმლო აგენტზე რონი სტოლუორთის შესახებ, რომელიც 1970_იანი წლების ბოლოს, როგორც აფროამერიკელი, არა მხოლოდ კუ-კლუქს-კლანში შეაღწევს, არამედ ადგილობრივი დაჯგუფების ხელმძღვანელად იქნება არჩეული.