ისტორია არაპროგნოზირებადი და ამბიციური კარგი გოგონას ლუსი ჰატონის და მისი დაუძინებელი მტრის ჯოშუა ტემპლემანის შესახებ, რომლებიც ერთად მუშაობენ ნიუ-იორკის დიდ გამომცემლობაში და პირველივე დანახვიდან სძულთ ერთმანეთი. ლუსი ცდილობს წარმატებას მიაღწიოს თავის პროფესიაში, მაგრამ საბოლოოდ ცივსისხლიან მტერზე, ჯოშუაზე დომინირების დაუნდობელ თამაშში ერთვება, მეტოქეობაში, რომელიც კიდევ უფრო რთულდება ჯოშუას მიმართ მოულოდნელად გაჩენილი გრძნობებით. ერთ დღეს ლიფტში ვნებიანი კოცნა ყველაფერს თავდაყირა აყენებს, თუმცა მაღალი პოზიციისთვის ბრძოლა ყველაფერს თავის ადგოლზე აბრუნებს. ნუთუ ყოველთვის ასე იქნება? არის სიყვარულის ადგილი ამ თამაშში?
ჯოჯო მოიესის ამავე სახელწოდების რომანის ეკრანიზაცია, თანამედროვე ლონდონში მცხოვრები ახალგაზრდა ჟურნალისტი გოგონას ელის შესახებ, რომელიც ქალაქის არქივში საიდუმლო სასიყვარულო წერილების სერიას აღმოაჩენს. მათში ჯენიფერ სტირლინგის და ენტონი ო’ჰარას 1960-იანი წლების ძალიან რომანტიკული, მაგრამ აკრძალული ურთიერთობის ისტორიაა მოთხრობილი. ნახევარი საუკუნის წინ განვითარებულ მოვლენებში ჩაფლული, ელი მტკიცედ გადაწყვეტს ფარული რომანის საიდუმლოს ამოხსნას, თუ როგორ დამთავრდა მათი სიყვარულის ისტორია.
უიმედო რომანტიკოსი, მაგრამ მარად მარტოსული ლოს-ანჯელესელი ჟურნალისტი ნატალი თავისი სასიყვარულო ცხოვრების მოწყობას გაცნობის აპლიკაციის დახმარებით ცდილობს, სადაც მას ერთი შეხედვით იდეალური ბიჭი ტეგი შეუყვარდება. შედეგად, მისი გულისთვის, ნატალი ქვეყნის მეორე ბოლოში მიფრინავს შეყვარებულისთვის სიურპრიზის მოსაწყობად. თუმცა, ქალაქში ჩასვლისთანავე, მთავარი გმირი აღმოაჩენს, რომ ტედი არ არის ის, რადაც თავს ასაღებდა...
კლიმატის ცვლილების შედეგად თითქმის მთელი მაიამი წყლის ქვეშ აღოჩნდება. მარტოხელა მეცნიერი ნიკ ბანისტერი გონების მკვლევარია, რომელიც სპეციალური ტექნოლოგიის გამოყენებით წარსულის ბნელ და მიმზიდველ სამყაროში მოგზაურობს და თავის კლიენტებს დაკარგული მოგონებების აღდგენაში ეხმარება. მაიამის ჩაძირული სანაპირო ზოლის გარეუბანში მცხოვრები ნიკის ცხოვრება სამუდამოდ შეიცვალება, როდესაც იგი მის ახალ იდუმალ კლიენტს მეის შეხვდება. ის, რაც დაკარგული მოგონების მარტივი ძებნით იწყება საშიშ აკვიატებად და მგზნებარე სასიყვარულო ურთიერთობად იქცევა. მაგრამ მას შემდეგ, რაც მეი გაუჩინარდება, სიმართლის დასადგენად, ბანისტერი წარსულის ბნელ სამყაროში იძირება და მოულოდნელად სასტიკ შეთქმულებას გამოავლენს.
რომანტიკული დრამა, კინორეჟისორის მალკომის და მისი მეგობარი გოგონას მარის შესახებ, რომლებიც ფილმის პრემიერის შემდეგ სახლში ბრუნდებიან, სადაც კრიტიკოსების გარდაუვალ დადებით რეაქციას და ფინანსურ წარმატებას ელოდებიან. მაგრამ საღამო მოულოდნელ სახეს იღებს, როდესაც პარტნიორებს შორის წარსულ ურთიერთობებზე გულწრფელი საუბარი დაიწყება, რომლის დროსაც გმირები ერთმანეთზე ისეთ ამბებს შეიტყობენ, რომელთა შესახებ მათ არაფერი იცოდნენ.
ინფლუენსერი, რომელიც სპეციალობით არის მეიქაფის/მაკიაჟის არტისტი, გადაწყვეტს თავისი შეუხედავი კლასელი ბიჭი გადააქციოს სკოლის გამოსაშვები საღამოს ნამდვილ მეფედ.
ზაფხული ელის კოლეჯში წასვლამდე და მას საიდუმლო გადაწყვეტილება აქვს მიღებული. ელი მიიღეს ჰარვარდში, სადაც შეყვარებული ნოე სწავლობდა და ასევე ბერკლი, სადაც მისი ლიდერი ლი არის და უნდა გადაწყვიტოს დარჩეს თუ არა.
თინეიჯერი გოგონას რომანტიკული ურთიერთობა და მისი ცხოვრების რთული და ნათელი მომენტები ოჯახში და მეგობრებთან.
1990-იანი წლების თურქეთში, მოზარდთა ჯგუფი საერთო მიზნის გარშემო ერთიანდება. მათ საყვარელ მასწავლებელს ქალაქიდან წასვლა ემუქრება და მეგობრები გადაწყვეტენ ყველაფერი გააკეთონ, რათა მას დარჩენის მიზეზი გაუჩინონ. გეგმა მარტივია მასწავლებელს სიყვარული უნდა აპოვნინონ. თუმცა, მათი მცდელობები უამრავ სახალისო, ემოციურ და მოულოდნელ სიტუაციას იწვევს. სერიალი გვიყვება მეგობრობაზე, პირველ სიყვარულზე, ახალგაზრდობის თავგადასავლებსა და იმ მოგონებებზე, რომლებიც მთელი ცხოვრების განმავლობაში გვრჩება.
მეუღლის მოულოდნელი გაუჩინარების შემდეგ, მარია ლუიზა გადაწყვეტს ცხოვრება თავიდან დაიწყოს და საკუთარი ოცნება აისრულოს. იგი ხსნის ბოსა ნოვას მუსიკალურ კლუბს, რომელიც მისი ახალი ცხოვრების სიმბოლოდ იქცევა. ახალი გამოწვევების, მეგობრობისა და სიყვარულის ფონზე, მარია ლუიზა ცდილობს საკუთარი ადგილი დაიმკვიდროს და დამოუკიდებლობა მოიპოვოს. სერიალი აერთიანებს დრამას, მუსიკას, რომანტიკასა და შთამაგონებელ ისტორიას ძლიერი ქალის შესახებ.
სერიალი ახალგაზრდა ქალის ისტორიას გვიყვება, რომელიც ბრუკლინის უილიამსბურგის ულტრა ორთოდოქსულ საზოგადოებაში გაიზარდა. საკუთარი ცხოვრების შეცვლის სურვილით იგი ტოვებს გარიგებულ ქორწინებასა და მკაცრ რელიგიურ გარემოს და ახალ ცხოვრებას იწყებს. გმირი ბერლინში მიემგზავრება, სადაც ცდილობს საკუთარი ოცნებების განხორციელებას და კლასიკური მუსიკის სამყაროში დამკვიდრებას. სერიალი მოგვითხრობს თავისუფლების, თვითშეცნობისა და საკუთარი გზის პოვნის შესახებ.
ადამ პრაისი მშვიდი და ბედნიერი ცხოვრებით ცხოვრობს. ერთი შეხედვით მას იდეალური ოჯახი, წარმატებული კარიერა და სტაბილური მომავალი აქვს. თუმცა ყველაფერი იცვლება, როდესაც ბარში იდუმალი უცნობი უახლოვდება და მისი ცოლის შესახებ შოკისმომგვრელ საიდუმლოს უმხელს. ამ აღმოჩენის შემდეგ ადამი სიმართლის ძიებას იწყებს და მოვლენების ჯაჭვში ეხვევა, რომელიც მის ცხოვრებას მთლიანად ცვლის. სერიალი სავსეა საიდუმლოებებით, დაძაბული მომენტებითა და მოულოდნელი სიუჟეტური განვითარებით.
სიუჟეტი ვითარდება სიყვარულის, ტკივილის, შურისძიებისა და თვითპოვნების გარშემო, სადაც თითოეული ეპიზოდი ემოციური დაძაბულობითა და მოულოდნელი განვითარებით არის სავსე. სერიალი აერთიანებს რომანტიკას, დრამასა და ინტრიგებს, რაც მაყურებელს გულისამაჩუყებელ და ამავდროულად დაძაბულ ისტორიას სთავაზობს.
ამბიციური ამერიკელი მარკეტოლოგი, ემილი პარიზში მისთვის საოცნებო სამსახურში იწყებს მუშაობას, რათა მათ ამერიკული ხედვა გაუზიაროს ბევრ საკითხზე...
სერიალში მოქმედება მე-19 საუკუნის ინგლისში ვითარდება. სიმდიდრე, ვნება და ღალატი ბრიჯერტონების ძლიერ ოჯახს ყველგან თან სდევს...
მდიდარი მემკვიდრის და პრესტიჟული სასტუმრო "ბელგრადის" მფლობელის პოლის ცხოვრება გიჟურ თავგადასავლად გადაიქცევა, როცა ყველაფერი ერთმაეთში აირევა.
თაფლობის თვის პირველ ღამეს ცოლ-ქმარი ისრაელის ქუჩებში ირეალურ მოგზაურობას იწყებენ.
ორი უცნობის რომანტიკული ისტორია, რომლებიც ერთმანეთს ანკარადან იზმირში მოგზაურობისას შეხვდნენ.
ოდრი ცდილობს შეაჩეროს მისი ძმა და გადააფიქრებინოს დაქორწინება ახალგაზრდა ფრანგ ქალზე, ჰემპტონში, წინასაქორწილო უქმეების განმავლობაში, რაც ასევე მის 40 წლის იუბილეს ემთხვევა. ოდრი კარგავს კონტროლს და ცდილობს ჩაშალოს ქორწინების ცერემონიალი, მაგრამ საბოლოოდ თვალს უსწორებს სიმართლეს, რომ იგი ვერ აღუდგება წინ ჭეშმარიტ სიყვარულს.
რა იქნებოდა ყველა ურთიერთობიდან რომელშიც ყოფილხარ, სუვენირი დაგეტოვებინა? ნიუ – იორკში მცხოვრები 20 წელს გადაცილებული უნიკალური გოგონას, ლუსის ისტორია, რომელიც სამხატვრო გალერეაში ასისტენტად მუშაობს და ამავდროულად ძალიან ემოციური ადამიანია. უკანასკნელ მეგობარ ბიჭთან მწარე გამოცდილების შემდეგ, ლუსი გადაწყვეტს გააკეთოს სივრცე იმ ნივთებისთვის, რომელიც ურთიერთობებიდან რჩება.
