” სიქველი, რომელიც 5 მყვინთავის შესახებ მოგვითხრობს, რომლებიც მრავალი წლის წინ წყლის ქვეშ მოქცეული ძველი ქალაქის ნანგრევების შეშასწავლად გაემგზავრებიან. მაგრამ ჩაყვინთვის პროცესში ირკვევა, რომ ამ ნანგრევებში ისინი მარტო არ არიან. ახალგაზრდა გმირებზე საშინელი ნადირობა იწყება და მათი დაგეგმილი გართობა კოშმარად იქცევა – ახლა სასოწარკვეთილ მყვინთავებს სისხლისმსმელი ზვიგენებისგან თავის დაღწევა მოუწევთ…
მთელს ამერიკაში მოხეტიალე ხალხთა ტომი, სახელწოდებით „ჭეშმარიტი კვანძი“, საარსებო საშუალებებს ეძებს. ისინი უწყინარად გამოიყურებიან, თუმცა რამდენადაც დენ ტორენსმა იცის, ხოლო აბრა სთოუნსი გაარკვევს, ისინი ნაწილობრივ უკვდავნი არიან, იკვებებიან იმ „ორთქლით“, რომელსაც „მანათობელი“ ბავშვები უშვებენ, ნელა და წამებით სიკვდილისას, და ამით იხანგრძლივებენ არსებობას. დენი ათწლეულების მანძილზე ცდილობდა მამის მემკვიდრეობას - სასოწარკვეთილებას, ალკოჰოლიზმსა და ძალადობას - გაქცეოდა. საბოლოოდ, იგი ნიუ ჰემფშირში დასახლდება, ანონიმური ალკოჰოლიკების თემში, რომლებმაც იგი შეინახეს, სამსახურსაც იშოვნის მოხუცებუთა სახლში, სადაც თავისი შემორჩენილი „ ნათებიდან“ მომაკვდავ ადამიანებს უკანასკნელ ნუგეშს აძლევს. მას „ექიმ ძილს“ შეაქმევენ. შემდეგ დენი აბრა სთოუნს შეხვდება. მისი არაჩვეულებრივი საჩუქრის - ყველაზე კაშკაშა ნათების - წყალობითაა რომ დენის საკუთარი ენერგიის კვლავ გაღვივებას შეძლებს, რასაც აბრას სულის გადასარჩენად მიმართავს.
ახალგაზრდა ამერიკელი გოგონა - ჰეილი კელერი მე-5 კატეგორიის ქარიშხლის დროს მთელი ძალებით ცდილობს ფლორიდაში მცხოვრები მისი მამა გადაარჩინოს, მაგრამ ჩაკეტილ და დატბორილ სახლში თავად აღმოჩნდება ხაფანგში. მთავარი გმირი საკუთარი სიცოცხლის გადასარჩენად სტიქიის და ფლორიდის ყველაზე ველური, საშიში და საზარელი მტაცებლების - ალიგატორების წინააღმდეგ სასოწარკვეთილ ბრძოლას იწყებს ...
ელვინ შვარცის ამავე სახელწოდების ბესტსელერზე დაფუძნებული თინეიჯერული ჰორორი, რომელიც ყველასგან გარიყული მოზარდების ჯგუფის შესახებ მოგვითხრობს, რომლებიც იძულებულნი არიან საკუთარ შიშებს დაპირისპირდნენ, რათა მათი მშობლიური პატარა ქალქი გადაარჩინონ, სადაც მოულოდნელად, ღამის კოშმარები გაცოცხლდება, როდესაც ქალაქს იდუმალი და სასტიკი მკვლელობების სერიები მოიცავს. ახლა ახალგაზრდა გმირები დამოუკიდებლად ცდილობენ, მთელი რიგი საშინელი მოვლენების საიდუმლოს გარკვევას, რომელმაც მათ პატარა ქალაქი ქაოსში მოაქცია ...
Zombieland: Double Tap არის 2019 წლის ამერიკული ფილმი, რომელიც გადაიღო რუბენ ფლაიშერმა, ხოლო სცენარისტები დეივ კალაჰემი, რეტ რიზი და პოლ ვერნიკი არიან. კოლუმბოსი, ტალაჰასე, უიჩიტა და პატარა როკი ამერიკის კუნძულებზე გადაადგილდებიან რათა დაუპირისპირდნენ გამრავებულ ზომბებს.
სტივენ კინგის რომანის ეკრანიზაციის მეორე ნაწილი, სადაც მოვლენები ახალგაზრდა გმირების დემონურ პენივაიზთან, პირველი შეხვედრიდან 27 წლის შემდეგ ვითარდება. ბილი, ბენი, ბევერლი და სხვა (ლუზერები), დიდი ხანია სხვადასხვა ქალაქებში გაიფანტნენ და ასე თუ ისე წარმატებული ზრდასული ცხოვრებით ცხოვრობენ. მაგრამ მოულოდნელად გმირების მშვიდ ცხოვრებას უცნაური სატელეფონო ზარი არღვევს, რომელიც მათ კიდევ ერთხელ გაერთიანებას და დერიში დაბრუნებას აიძულებს, რათა გამოღვიძებული ბავშვების მკვლელი ბოროტება შეაჩერონ. ის დაბრუნდა და კვლავ მათი ყველაზე საშინელი კოშმარი ხდება, რომელმაც ჯოჯოხეთური მოცეკვავე კლოუნის პენივაიზის სახე მიიღო ...
ერთ პატარა მყუდრო ქალაქში მოულოდნელად ზომბები გაჩნდებიან და ქალაქს ატერორებენ. სამმა სათვალეებიანმა პოლიციის ოფიცერმა და უცნაურმა შოტლანდიელმა მორგის ექსპერტმა ერთიანი ძალებით უნდა დაამარცხონ ეს მკვდრეთით აღმდგარი ზომბები.
კარენი მარტოხელა დედაა, რომელიც თავის ვაჟს, ენდის, დაბადების დღისათვის "მეგობარ" თოჯინას აჩუქებს, თუმცა წარმოდგენა არ აქვს მის მავნე ბუნებზე. ფილმი 1988 წელს გადაღებული კლასიკური საშინელებათა ფილმის თანამედროვე ვარიანტია.
სიუ ენი მარტოხელა კარჩაკეტილი ადამიანია, რომელიც ოჰაიოში, ერთ წყნარ ქალაქში ცხოვრობს. ერთხელაც, მეგი, ქალაქში ახლადგამოჩენილი თინეიჯერი, თხოვს მას და მის მეგობრებს ალკოჰოლური სასმელი უყიდოს. სიუ ენს შანსი ეძლევა ერთი-ორი მეგობარი, თუნდაც ბევრად უმცროსი, მანაც შეიძინოს.
სკოლის მოსწალე ბირდ ფიტჩერს წარმოდგენა არა აქვს, რა ბნელი საიდუმლოებები უკავშირდება პოლაროიდის ვინტაჟურ ფოტოაპარატს, რომელსაც შემთხევით გადააწყდება, თუმცა დიდი დრო არ დასჭირდება იმის გაგებას, რომ ვინც კი ფოტო გადაიღო, ტრაგიკულად დაამთავრა ცხოვრება. ჩქარობენ რა ამოხსნან ეს საიდუმლოება, ბირდი და მისი მეგობრები როგორმე კიდევ ერთ ღამეს უნდა გადაურჩნენ, სანამ ეს საშინელი პოლაროიდი ყველას დახოცავს.
ტრი გელბმანი აღმოაჩენს რომ უფრო ადვილი ასატანია ყოველდღე კვლავ და კვლავ სიკვდილი ვიდრე ის უცნაური და საშიში სიტუაციები, რაც წინ ხვდება მას ...
მდიდარი მხატვრები და კოლექციონერები ნებისმიერ თანხას გადაიხდიან როდესაც ხელოვნება მომგებიან ინვესტიციას წარმოადგენს. ისინი მზად არიან დანაშაულიც კი ჩაიდინონ, რადგან ადამიანის სიხარბესა და მომხვეჭელობას საზღვარი არ აქვს. როდესაც ასპარეზზე ახალი ნიჭიერი ხელოვანი გამოდის ყოველი ადამიანი, ვინც პირადი სარგებლობისკენ მიისწრაფვის, მისტიური და ჯოჯოხეთური ძალის სამიზნე ხდება.
დედა, რომელიც თავისი ახალგაზრდა ვაჟის უცნაური საქციელით შეშფოთებულია, ფიქრობს, რომ შესაძლოა რაღაც ზებუნებრივი ახდენს მასზე გავლენას.
სტივენ კინგის რომანის ეკრანიზაცია. ოჯახი პატარა ქალაქში მდებარე ახალ სახლში გადადის, სადაც მალე უბედურება მოხდება – ელის კატას სატვირთო მანქანა დაეჯახება და მოკვდება. მეზობლის რჩევით ლუისი ოჯახისგან მალულად კატას ტყეში მდებარე ინდიელთა უძველეს სასაფლაოზე დამარხავს. მოულოდნელად კატა გაცოცხლდება, მაგრამ აყროლებულ სასტიკ მონსტრად გადაიქცევა.
საშინელმა არსებებმა, რომლებიც ადამიანებზე ხმაზე დაკვირვებით ნადირობენ,შესაძლოა მსოფლიოს დაესხნან თავს. თინეიჯერი გოგონა და მისი ოჯახი თავშესაფარს ქალაქგარეთ ეძებს, სადაც შემთცხევით საიდუმლო კულტს გადაეყრებიან.
ოკეანის შუაგულში მდებარე საიდუმლო კვლევით სადგურზე მეცნიერები გენეტიკურად მოდიფიცირებული ზვიგენების ქცევას იკვლევენ. პროექტის მიზანი სამხედრო და სამეცნიერო შესაძლებლობების გაფართოებაა, თუმცა ექსპერიმენტები მალე უკონტროლო მიმართულებით ვითარდება. როდესაც ზვიგენები მოულოდნელად აგრესიულები და უფრო ინტელექტუალურები ხდებიან, კვლევითი ჯგუფი სასიკვდილო საფრთხის წინაშე აღმოჩნდება. იზოლირებულ წყალქვეშა კომპლექსში ჩარჩენილ ადამიანებს გადარჩენისთვის ბრძოლა უწევთ, რადგან ყოველი ახალი საათი მათ მდგომარეობას კიდევ უფრო ართულებს.
მრავალი წლის წინ ჰილ ჰაუსში გატარებულმა საშინელმა მოვლენებმა ერთი ოჯახის ცხოვრება სამუდამოდ შეცვალა. ბავშვობაში განცდილი ტრავმებისა და იდუმალი მოვლენების შემდეგ და-ძმები სხვადასხვა გზით აგრძელებენ ცხოვრებას, თუმცა წარსულის აჩრდილები მათ მოსვენებას არ აძლევს. ოჯახური ტრაგედიის შემდეგ ისინი იძულებულნი ხდებიან კვლავ გაერთიანდნენ და იმ საიდუმლოებებს დაუპირისპირდნენ, რომლებიც წლების განმავლობაში ჰილ ჰაუსის კედლებში იყო დამალული. რაც უფრო უახლოვდებიან სიმართლეს, მით უფრო რთული ხდება რეალობისა და ზებუნებრივი მოვლენების ერთმანეთისგან გარჩევა.
თინეიჯერი ჯადოქარი საბრინა ორ განსხვავებულ სამყაროს შორის ცხოვრობს. იგი ცდილობს გაიგოს საკუთარი ადგილი ადამიანურ და მაგიურ რეალობას შორის, ხოლო ამავდროულად საკუთარი შესაძლებლობების მართვას სწავლობს. საბრინას უწევს დაუპირისპირდეს ბნელ ძალებს, რომლებიც საფრთხეს უქმნიან არა მხოლოდ მას და მის ოჯახს, არამედ მთელ კაცობრიობას. სერიალი აერთიანებს ფანტასტიკას, მისტიკას, დრამასა და დაძაბულ თავგადასავლებს, სადაც ყოველი გადაწყვეტილება მნიშვნელოვან შედეგებს იწვევს.
ექვსი წლის წინ მომაკვდინებელმა ვირუსმა, რომელიც წვიმის წვეთებით ვრცელდებოდა, დედამიწაზე თითქმის მთელი სიცოცხლე გაანადგურა. მოსალოდნელი კატასტროფის შესახებ ინფორმირებულმა მეცნიერებმა ერთი ოჯახი სპეციალურ ბუნკერში დამალეს, რათა გადარჩენის შანსი მიეცათ. წლების შემდეგ, როდესაც საკვების მარაგი იწურება, ოჯახის უფროსი ქალიშვილი იძულებულია ბუნკერი დატოვოს და სახიფათო სამყაროში გავიდეს. მისი მიზანია გადაარჩინოს უმცროსი ძმა და იპოვოს გამოსავალი, სანამ გვიანი არ იქნება. სერიალი სავსეა დაძაბულობით, გადარჩენისთვის ბრძოლითა და ემოციური მომენტებით.
მილიონობით წლის განმავლობაში ყინულში გამოკეტილი დემონები ადამიანთა სამყაროში ბრუნდებიან და კაცობრიობას განადგურებით ემუქრებიან. ამ ქაოსის ფონზე, მორცხვი და კეთილი აკირა მეგობარ რიოსგან უჩვეულო შეთავაზებას იღებს. ადამიანების გადასარჩენად აკირა ერთ-ერთ ძლიერ დემონს უნდა შეერწყას და მისი ძალა საკუთარი მიზნებისთვის გამოიყენოს. თუმცა, რაც უფრო ძლიერდება, მით უფრო რთული ხდება ადამიანურობის შენარჩუნება. სერიალი სავსეა მძაფრი ემოციებით, ფანტასტიკური ბრძოლებითა და მოულოდნელი მოვლენებით.