ფილმი ცნობილი ბრაზიანი ჩიტების თავგადასავლების გაგრძელებაა. ამჯერად ეს ჩიტების დაუძინებელ მტრებთან დაპირისპირებაა, რაც სრულიად სხვა სიმაღლეებს იპყრობს.
ნაკლებად სავარაუდო კავშირი ორ არსებას, მოხეტიალე დამოუკიდებელ კატასა და პიტბულს შორის, მაინც ყალიბდება. ისინი ერთად გამოცდიან ნამდვილი მეგობრობის ძალას.
მამა პირველად ცდილობს თავის პატარა ქალიშვილს ვარცხნილობა მოუწესრიგოს.
ქარიზმატული სერ ლაიონელ ფროსტი თავს მითებისა და ურჩხულების მსოფლიოში უპირველეს მკვკლევარად მიიჩნევს. პრობლემა ისაა, რომ მისი არცერთი საზოგადიოების მაღალი წრის წარმომადგენელი კოლეგა ამას არ აღიარებს. იმ იმედით, რომ საბოლოოდ მაინც აღიარებული იქნება მათგან, ლიონელი წყნარი ოკენის აუზის ჩრდილოეთში იმოგზაურებს, რათა ლეგენდარული ქმნილების არსებობა დაამტკიცოს.
ტერიერი მაქსი უნდა შეეგუოს გარდაუვალ ცვლილებებს, როდესაც მისი პატრონი ქორწინდება და მათ ცხოვრებაში ბავშვი ჩნდება. მაქსი ოჯახთან ერთად ქალაქგარეთ რანჩოზე მიემგზავრება, ქალაქში კი ამ დროს საინტერესო თავგადასავალი მზადდება.
უჩვეულო და სახალისო თავგადასავალის გაგრძელება მამაც ვიკინგ ბიჭზე და მის უკბილო დრაკონზე, რომლებსაც კვლავინდებურად საოცარი მოვლენები ელოდებათ წინ. მათ უნდა მიიღონ წარმოუდგენელი გადაწყვეტილებები რათა სამფლობელო მოახლოვებული საფრთხისგან იხსნან.
ელემენტარული სიკეთეც კი აუცილებლად ათბობს სხვას, თუნდაც შორეულ, გაყინულ ადგილას მყოფს. სმერსენსბურგის ახალი ფოსტალიონი ჯასპერი, უკიდურეს ჩრდილოეთით არსებულ ქალაქ სმირენსბურგში გაიგზავნება, სადაც მისი მოვალეობა წელიწადში მინიმუმ 6000 წერილის დაამუშავებაა. ადგილზე ჩასვლისთანავე ბიჭი ომის ზონაში აღმოჩნდება: ორი ოჯახურ კლანს, საუკუნეების მანძილზე დაუნდობელი მტრობა აქვს გაჩაღებული. რასაკვირველია, ასეთ გარემოში წერილების დრო არ არის და ფოსტა უკვე დიდი ხანია საქათმედ იქცა. თითქმის სასოწარკვეთილი ჯასპერი სტუმრობს თოჯინების შემქმნელ კლაუსს და მათი ნაცნობობა საოცარ მოვლენებს ჩაუყრის საფუძველს.
CGI და live-action-ის მიერ სხვაგვარად წარმოჩენილი კლასიკად ქცეული დისნეის ფილმი.
ბეილი მშვენივრად ცხოვრობს ფერმაში ითანთან და ჰანასთან ერთად. როდესაც მისი სული მზად იქნება ეს ცხოვრება დატოვოს და ახალს შეუდგეს, იგი ეთანს პირობას მისცემს, რომ მათ შვილიშვილს სიჯეის მოძებნის და რადაც არ უნდა დაუჯდეს, დაიცავს მას.
პოკემონების სამყაროს ყველანი კარგად ვიცნობთ. ასევე კარგად ვიცნობთ ყველასათვის საყვარელ, ფუმფულა პიკაჩუს, რომლის საოცარი თავგადასავალი ძალიან ბევრს გაცინებთ,ცოტათი შეგაშინებთ და ბოლოს, შეიძლება, იტიროთ კიდეც.
ფილმი მოგვითხრობს ერთი ძაღლის - ბელას - გულიშიჩამწვდომ თვგადასავალს, რომელიც 400 მილის სიგრძის გზას დაადგება სახლში დასაბრუნებლად, მას შემდეგ, რაც საყვარელ ადამიანს დააშორებენ.
ფუტკარი მაია დიდი ოცნებით ცხოვრობს მას სურს მონაწილეობა მიიღოს თაფლის თამაშებში, ყველაზე მნიშვნელოვან და საპატიო შეჯიბრში ფუტკრების სამყაროში. თუმცა მოულოდნელად იგი კარგავს შანსს, რომ თავისი სურვილი რეალობად აქციოს. იმედგაცრუების მიუხედავად მაია არ ნებდება. თავისი ერთგული მეგობრების დახმარებით ის იწყებს ახალ გეგმას მიაღწიოს ფუტკრების დედოფლამდე და მისთვის თავისი ხმა მიაწვდინოს, რათა სამართლიანობა და თანასწორობა აღდგეს. გზაში მაია და მისი მეგობრები უამრავ დაბრკოლებას აწყდებიან, მაგრამ მათი მეგობრობა, გამბედაობა და ერთიანობა მათ ძალას აძლევს, რომ არ გაჩერდნენ და მიზანს ბოლომდე მიჰყვნენ.
ობოლი გოგონა ადორა მოულოდნელად აღმოაჩენს ჯადოსნურ ხმალს, რომელიც მის ცხოვრებას სამუდამოდ ცვლის. იდუმალი იარაღის ძალით ის ძლევამოსილ მეომარ ში-რად გარდაიქმნება და იგებს, რომ მისი ნამდვილი დანიშნულება ბოროტების წინააღმდეგ ბრძოლაა. სიმართლის გაცნობის შემდეგ ადორა ტოვებს იმ მხარეს, რომელსაც ერთ დროს ემსახურებოდა, და უერთდება აჯანყებულთა მოძრაობას. ახალ მეგობრებთან ერთად ის ცდილობს გააერთიანოს სხვადასხვა სამეფოები, რათა წინ აღუდგეს სასტიკ მტერს და გადაარჩინოს ეთერიის სამყარო. მოგზაურობის განმავლობაში ადორა არაერთ რთულ გადაწყვეტილებას იღებს, ებრძვის ძლიერ მოწინააღმდეგეებს და სწავლობს, რომ ნამდვილი ძალა მხოლოდ ჯადოსნობაში კი არა, მეგობრობაში, ერთგულებასა და საკუთარი თავის რწმენაშია.
და-ძმა, რომლებიც მშვიდ სანაპირო ქალაქში ცხოვრობენ, სრულიად შემთხვევით დაუმეგობრდებიან ოჯახისგან განცალკევებულ დელფინს ბერნის. ეს უჩვეულო მეგობრობა მათ ცხოვრებას მთლიანად ცვლის და ბავშვებს ახალი, საოცარი სამყაროს აღმოჩენამდე მიჰყავს, სადაც ბუნება და ზღვის ბინადრები ერთმანეთთან მჭიდროდ არიან დაკავშირებული. დროთა განმავლობაში ისინი ამჩნევენ, რომ სანაპიროზე უცნაური ცვლილებები ხდება და ეკოსისტემას სერიოზული საფრთხე ემუქრება. ბერნის დახმარებით და საკუთარი ცნობისმოყვარეობით და-ძმა იწყებს გამოძიებას, რომელიც მათ შოკისმომგვრელ საიდუმლომდე მიიყვანს საიდუმლო, რომელსაც შეუძლია არა მხოლოდ სანაპიროს განადგურება, არამედ მათი ახალი მეგობრების სახლების გაქრობაც.
ჯადოსნობით, დრაკონებითა და უძველესი ლეგენდებით სავსე სამყაროში ადამიანებსა და მაგიურ არსებებს შორის დიდი კონფლიქტი მიმდინარეობს. მრავალწლიანი დაპირისპირების შემდეგ ორი ახალგაზრდა პრინცი და იდუმალი ელფი მოულოდნელ აღმოჩენას აკეთებენ, რომელმაც შესაძლოა ომი დაასრულოს და ორივე მხარის მომავალი შეცვალოს. საშიში მოგზაურობის დროს მათ უწევთ ძლიერი მტრების, ბნელი მაგიისა და უამრავი გამოწვევის გადალახვა. მეგობრობა, ერთგულება და გამბედაობა მათი მთავარი იარაღი ხდება, რადგან სამყაროს ბედი მათ გადაწყვეტილებებზეა დამოკიდებული.
მომავალში, როდესაც კაცობრიობა ახალი საცხოვრებელი პლანეტების ათვისებას იწყებს, რობინსონების ოჯახი კოსმოსურ მისიაში მონაწილეობს, რომელიც მოულოდნელი კატასტროფის გამო სრულად იცვლება. მათი ხომალდი უცნობ პლანეტაზე ავარიულად ეშვება და ოჯახი გადარჩენისთვის რთულ ბრძოლას იწყებს. მტრულ გარემოში ისინი უამრავ საფრთხეს აწყდებიან, მათ შორის უცნობ არსებებს, ბუნებრივ კატასტროფებსა და ადამიანურ ღალატს. რთული გამოწვევების მიუხედავად, ოჯახის წევრები ერთმანეთის დახმარებით ცდილობენ გამოსავლის პოვნას და დაკარგული კოლონიის კვალზე გასვლას.
მოქალაქე-ბაიკების ცხოვრება იდილიურია, სანამ ერთ დღეს ქალაქში ახალი და საოცარი მექანიზმი, შიგაწვის ძრავა, არ გამოჩნდება. ამის შემდეგ ძალიან სასაცილო თავგადასავალი იწყება - მთის ბაიკი „სფიდი“თავისდაუნებურად გარემოსდამცველი აქტივისტების ლიდერი გახდება, რომელთაც გადაწყვეტილი აქვთ შიგაწვის ძრავას ხელი შეუშალონ და არ დააბინძურებინონ თავიანთი ჯერ კიდევ ხელშეუხებელი ნავსაყუდელი.
მკაცრი და არამეგობრული როტვეილერი-პოლიციელი სახელად მაქსი, დავალებით ფარულად იგზავნება ცხოველების არალეგალური ვაჭრობის შესაჩერებლად, რომლებიც ძაღლების პრესტიჟულ გამოფენაზე ლას-ვეგასში იკრიბებიან. ამისთვის მაქსი და მისი პოლიციელი ადამიანი-მეწყვილე კონკურსანტთა რიგებს შეუერთდებიან, და ახლა გმირები იძულებულნი არიან – სალონის პროცედურებით დაწყებული ქორეოგრაფიის გაკვეთილებით დამთავრებული, სპეციფიკური მომზადების კურსი გაიარონ …
ოთხი წლის ბიჭუნა საკუთარ ეზოში მაგიურ ბაღს აღმოაჩენს, რომელიც გახდება კარიბჭე დროში მოგზაურობისას. იგი გადავა წარსულში და მოინახულებს დედის ბავშვობას, გაიცნობს დიდ ბაბუას, რომელიც იმ დროისათვის ახალგაზრდა კაცია. ეს ამბავი ზრდის მას და ეხმარება დიდი ძმის როლის მორგებაში.