კიმ სეჰი დიდი საავადმყოფოს დირექტორი და ფონდის ხელმძღვანელია, რის გამოც ყველა პატივს სცემს, მაგრამ ის საიდუმლოდ არაკანონიერი გაშვილების ორგანიზაციას მართავს. ორგანიზაცია ბავშვებით ვაჭრობს, ხოლო თუ მყიდველს "პროდუქტის" დაბრუნება მის მე-19 დაბადების დღემდე მოუნდება, მას სრული თანხა უკან უბრუნდება. დაბრუნებულ ბავშვებს დეფექტურ პროდუქტად თვლიან და ორგანიზაცია დაუნდობლად კლავს. მთავარი პერსონაჟები არიან ბავშვები, რომლებიც უნდა მომკვდარიყვნენ, მაგრამ ორგანიზაციის ხელქვეითის შებრალების გამო გადარჩნენ. ახლა ამ ბავშვებს უნდათ, რომ ორგანიზაციას ფარდა ახადონ და მშობლებზე შური იძიონ.
პაკ სოკჩოლი განგსტერების მესამე თაობის უფროსი შვილიშვილია, რომელსაც მის სამსახურთან შეუფერებლად საოცრად თბილი გული აქვს. მოულოდნელად ის სკოლის პირველ სიყვარულს- კან მიონს შეხვდება, რომელიც მომღერლობაზე ოცნებობს და ამისთვის დაუღალავად შრომობს. სოკჩოლი ცხოვრების დაბრკოლებებს ყოველდღე სიცილითა და ცრემლებით ებრძვის, რათა ოჯახი, კარიერა და სიყვარული დაიცვას.
სერიალი მოგვითხრობს საფრანგეთში აღზრდილ ტაილანდელ ობოლ ბიჭზე, რატიზე, რომელიც სამშობლოში ფრანგი თარჯიმნის ამპლუაში, დიპლომატიური მისიით ბრუნდება და თავადაზნაურ თის გაიცნობს. პოლიტიკური დაძაბულობის ფონზე, მათ ერთმანეთი უყვარდებათ. ამავდროულად, უბრალო მსახური მეკისა და ბარონეტი დეკის მეგობრობა, სოციალური უთანასწორობის გამო, საფრთხის ქვეშ დგება.
რეი და ფრინთი ბავშვობიდან კონკურენტები იყვნენ სხვადასხვა კონკურსებში, ახლა კი იგებენ, რომ წლის ყველაზე პოპულარულ დრამაში ორივეს დაუმტკიცდა როლი! ძველი კონფლიქტის გამო გოგოები მტრულად არიან განწყობილი ერთმანეთის მიმართ, მაგრამ მოულოდნელად ერთმანეთის სხეულში იღვიძებენ და უწევთ დაახლოვდნენ იმისათვის, რომ თავიანთ სხეულებში დაბრუნდნენ.
შენ შაოიუ ხვდება ომეგას, რომელიც ზუსტად მის ტიპაჟს, ნაზ თეთრ ლოტოსს, ჰგავს. ისეთს, რომლის მოწყვეტა, ვაზაში ჩადება და სამუდამოდ მისით ტკბობა გსურს. მაგრამ აღმოჩნდება, რომ ეს ბიჭი უბრალო, უწყინარი შროშანი სულაც არაა. ის ორქიდეაა. იშვიათი და არაპროგნოზირებადი, მომხიბვლელი, ელეგანტური და მოსალოდნელზე უფრო ბნელი. როდესაც აკვიატება ხვდება რაღაც მოუთვინიერებელს, ვის შთანთქავს საბოლოოდ ეს ძალა?
ფუნი ანტიკვარული მაღაზიის მფლობელია, რომელსაც თავისმა მეგობარმა ნახატის რესტავრაცია სთხოვა. ნახატის დათვალიერებისას ფუნი შემთხვევით ხელს იჭრის და ნახატი სისხლით ისვრება. ფუნის სისხლი რამილს გამოაღვიძებს, ვამპირების უკანასკნელ მემკვიდრეს, რომელიც ას წელზე მეტია ამ ნახატშია გამოკეტილი. რამილი დასუსტებულია და მასზე მონასირეების ჯგუფი ნადირობს.ფუნი ეხმარება რამილს ძალების დაბრუნებაში და ისინი ნელ-ნელა ახლოვდებიან. თუმცა ვინ იცის, შესაძლებელია, თუ არა სიყვარული ვამპირსა და ადამიანს შორის.
კემი დაიბადა დაწყევლილ ოჯახში. თუ გოგონა დაიბადებოდა, წყევლა მას არ შეეხებოდა, მაგრამ ვაჟი ოც წლამდე ვერ მიაღწევდა და დაიღუპებოდა. კემის დედამ ბიჭს ჭკვიანურად ქალის სახელი — „კემჯირა“ დაარქვა, რაც „სამუდამოდ უსაფრთხოს“ ნიშნავს. კემი მეცხრამეტე დაბადების დღემდე მართლაც ფიქრობდა რომ უსაფრთხოდ იქნებოდა.
სონ უჰე ბავშვობაში ცნობილი მსახიობი იყო, ახლა კი მშვიდად ცხოვრობს, როგორც მწერალი და ფლორისტი. მოულოდნელად, მის ცხოვრებაში ჩნდება სონ ჯეიონი, რომელიც მსახიობის მენეჯერია და ყველაფერს აკეთებს იმისთვის, რომ მის მსახიობს პოპულარობა შეუნარჩუნოს. უჰე და ჯეიონი ერთმანეთის პირველი სიყვარული იყვნენ და ცხოვრების ბნელ პერიოდში ერთმანეთს ეხმარებოდნენ. ათი წლის შემდეგ მათი ხელახლა შეხვედრა და წარსულის ნოსტალგია ორივეს ცხოვრებას აფორიაქებს.
დიდი ხნის წინ, 12 ზოდიაქოს ანგელოზი ბოროტ სულებს ადამიანთა მოდგმის დასაცავად ებრძოდა. მათი თავგანწირვის წყალობით, სულები ჯოჯოხეთის კარიბჭეში დაილუქეს. სამყაროში მშვიდობა დამყარდა, მაგრამ ბოროტებამ კვლავ იღვიძებს და ადამიანთა სამყაროში ქაოსი დგება. ბოროტი არსებების ჯგუფი, რომელსაც ოგვი ხელმძღვანელობს და 12 ზოდიაქოს ანგელოზი ვეფხვის სიმბოლოს მქონდე თესანის ხელმძღვანელობით, ეპიკურ ბრძოლაში ერთვებიან.
ან ჯუჰიონი უკვე მეცხრე წელია, რაც იურიდიულ სფეროში მოღვაწეობს. მისთვის ადვოკატობა არასდროს ასოცირდებოდა სუსტების დაცვასა და სამართლიანობის აღდგენასთან, თუმცა მის პროფესიონალიზმში ეჭვი არავის შეჰპარვია. კან ჰიჯი კი დამწყები იურისტი, ადამიანებზე ორიენტირებული, გულწრფელი და თავდაჯერებული პიროვნებაა, რომელიც ცდილობს, რომ თითოეული ადამიანის ცხოვრება უკეთესობისკენ შეცვალოს. სოჩოს იურიდიულ ფირმაში ხუთი სრულიად განსხვავებული ადვოკატი ერთ სივრცეში იყრის თავს, სადაც ჯუჰიონისა და ჰიჯის გზები კვლავ იკვეთება.
ვალებში ჩაფლული მექანიკოსი, ტიმური, კარსლების ოჯახის საიდუმლოებებში აღმოჩნდება ჩათრეული და მოულოდნელად მემკვიდრე ზაფერ კარსლის როლს ირგებს, რაც ყველას ცხოვრებას სამუდამოდ ცვლის.
მოზარდი ბიჭების ჯგუფი ყოველწლიურ შეჯიბრში იღებს მონაწილეობას, რომელიც ცნობილია როგორც „გრძელი გზა“, სადაც მათ გარკვეული სიჩქარე უნდა შეინარჩუნონ, წინააღმდეგ შემთხვევაში, მათ სიკვდილით დასჯა ემუქრებათ. გრძელი გზა .
აივისა და თეოს იდეალური ქორწინება და წარმატებული კარიერა მხოლოდ ზედაპირულია. როდესაც თეოს კარიერა ინგრევა და აივის წარმატება იზრდება, მათ შორის მწარე მეტოქეობა იფეთქებს.
კოსმოსური საგის “ავატარი 2: წყლის გზა“ მესამე ნაწილი ყოფილი ჯარისკაცისა და ადამიანის, ჯეიკ სალის შესახებ, რომელსაც შეუყვარდება უცხოპლანეტელი, სახელად ნეიტირი და დაუმეგობრდა პანდორას მკვიდრ ნა’ვი-ს ჰუმანოიდთა რასას მას შემდეგ, რაც გახდა ავატარის პროგრამის ნაწილი, რის შემდეგაც მან დაიჭირა მათი მხარე ადამიანებთან კონფლიქტში და მიიყვანა ისინი გამარჯვებამდე. ამჯერად ფილმში მოვლენები ვითარდება კვლავ პლანეტა პანდორზე, რომელიც აგრძელებს მისი გარემოსა და კულტურის შესწავლას, რომლის ყურადღების ცენტრში – ცეცხლის სტიქია, კერძოდ პანდორას მკვიდრი “ფერფლის ტომი” აღმოჩნდება.
ზომბების საშინელი არმიის წინააღმდეგ ბრძოლაში, მუაი ტაის ყოფილმა მებრძოლმა შეყვარებულის გადასარჩენად უნარი, სიჩქარე და გამბედაობა უნდა გამოიყენოს.
მრბოლელი ლეგენდა სონი პენსიიდან ბრუნდება, რათა სათავეში ჩაუდგეს ფორმულა ერთის უიღბლო გუნდს და ახალგაზრდა, ფიცხი პილოტი გაწვრთნას, ამავდროულად კი დიდების კიდევ ერთი შანსი მოიპოვოს...
როდესაც ხუთი მეგობარი შემთხვევით სასიკვდილო ავტოკატასტროფას გამოიწვევს, გადაწყვეტენ დამალონ მათი მონაწილეობა ამ კატასტროფაში და შეთანხმებას დებენ, რომ ამას საიდუმლოდ შეინახავენ. ერთი წლის შემდეგ, მათი წარსული ბრუნდება და ისინი იძულებულნი არიან, საშინელ სიმართლეს შეხედონ თვალებში, რადგან როგორც ჩანს ვიღაცამ იცის მათი დანაშაულის შესახებ და აპირებს პასუხი აგებინოს
წლების განმავლობაში ციხეში ყოფნის შემდეგ, კაცი ცდილობს თავიდან დაიწყოს თავისი ცხოვრება, თუმცა მოულოდნელი ურთიერთობა აჩენს შოკისმომგვრელ სიმართლეს, რომელმაც შეიძლება სამუდამოდ შეცვალოს მისი ცხოვრება
ახალგაზრდა ქალი, რომელიც მეგობრებთან ერთად მიემგზავრება ევროპის მოსანახულებლად,სანამ წესრიგითა და გეგმებით სავსე ცხოვრებას დაიწყებს. მაგრამ ერთ უმნიშვნელოდ ჩასახლებულ ქალაქში, ბედი მოულოდნელად შეახვედრებს ჯეკს