ქალტა ებრაული თემი დამპყრობლის ალყაში ექცევა. ისინი დასახმარებლად ადგილობრივ ჯადოქარს მიმართავენ. რომელიც საკუტარი ხალხის დასაცავად საშიშ არსებას, გოლემს გამოიძახებს, თუმცა მალევე მიხვდება რომ გამოძახებული ქმნილება ბევრად უფრო საშიში და ბოროტია ვიდრე მას წარმოედგინა.
პრესტიჟულ კერძო სკოლაში სამი მოზარდი სტიპენდიის დახმარებით იწყებს სწავლას, რაც მდიდარ და გავლენიან მოსწავლეებს შორის დაპირისპირების მიზეზი ხდება. სოციალური განსხვავებები, კონკურენცია და დაძაბული ურთიერთობები თანდათან უფრო სერიოზულ პრობლემებში გადაიზრდება. მოულოდნელი ტრაგედიის შემდეგ სკოლა მკვლელობის გამოძიების ცენტრში აღმოჩნდება. თითოეულ მოსწავლეს საკუთარი საიდუმლო აქვს, ხოლო სიმართლის გარკვევა სულ უფრო რთულდება. მეგობრობა, სიყვარული, ღალატი და ძალაუფლებისთვის ბრძოლა ერთმანეთში ირევა და მოვლენებს მოულოდნელ მიმართულებას აძლევს.
ჩვეულებრივი ავიარეისი მოულოდნელად ერთ-ერთ ყველაზე დიდ საიდუმლოდ იქცევა, როდესაც თვითმფრინავის მგზავრები უსაფრთხოდ ეშვებიან, თუმცა მათთვის რამდენიმე საათით გაგრძელებული ფრენა რეალურ სამყაროში ხუთ წელზე მეტ ხანს გაგრძელებულა. დაბრუნებულებს მძიმე რეალობასთან გამკლავება უწევთ, რადგან მათი ახლობლები და ცხოვრება მთლიანად შეცვლილია. დროთა განმავლობაში მგზავრები უცნაურ ხილვებსა და იდუმალ მინიშნებებს იღებენ, რომლებიც მათ ერთმანეთთან და ჯერ კიდევ ამოუხსნელ მოვლენებთან აკავშირებს. სიმართლის ძიება მათ რთულ გზაზე აყენებს, სადაც მეცნიერება, რწმენა და აუხსნელი მოვლენები ერთმანეთს ეჯახება.
სერიალი მოგვითხრობს ჯონ ნოლანზე, 40 წლის მამაკაცზე, რომელიც პატარა ქალაქიდან ლოს-ანჯელესში გადადის და ხდება LAPD-ის ყველაზე ასაკოვანი ახალბედა („rookie“). მიუხედავად სკეპტიციზმისა და გამოწვევებისა, ნოლანი ცდილობს დაამტკიცოს, რომ შეუძლია პოლიციელის კარიერაში წარმატებას მიაღწიოს.
მთელი ცხოვრების მეგობრები, ალექსა და კეტი, მოუთმენლად ელოდებიან საშუალო სკოლაში სწავლის დაწყებას. ახალი ეტაპი მათთვის საინტერესო შესაძლებლობებთან, ახალ მეგობრებთან და მრავალ გამოწვევასთან არის დაკავშირებული. მიუხედავად სირთულეებისა, გოგონები ერთმანეთის გვერდით დგანან და მეგობრობის ძალით უმკლავდებიან ყველა დაბრკოლებას. სერიალი სავსეა თბილი ემოციებით, იუმორითა და ცხოვრებისეული ისტორიებით.
მრავალი წლის წინ ჰილ ჰაუსში გატარებულმა საშინელმა მოვლენებმა ერთი ოჯახის ცხოვრება სამუდამოდ შეცვალა. ბავშვობაში განცდილი ტრავმებისა და იდუმალი მოვლენების შემდეგ და-ძმები სხვადასხვა გზით აგრძელებენ ცხოვრებას, თუმცა წარსულის აჩრდილები მათ მოსვენებას არ აძლევს. ოჯახური ტრაგედიის შემდეგ ისინი იძულებულნი ხდებიან კვლავ გაერთიანდნენ და იმ საიდუმლოებებს დაუპირისპირდნენ, რომლებიც წლების განმავლობაში ჰილ ჰაუსის კედლებში იყო დამალული. რაც უფრო უახლოვდებიან სიმართლეს, მით უფრო რთული ხდება რეალობისა და ზებუნებრივი მოვლენების ერთმანეთისგან გარჩევა.
მსოფლიოში ცნობილი ოპერის მომღერალი სამხრეთ ამერიკაში მიემგზავრება, სადაც გავლენიანი და მდიდარი მრეწველის მიწვევით დახურულ საღამოზე უნდა იმღეროს. მისთვის ეს ჩვეულებრივი კონცერტი უნდა იყოს, თუმცა წარმოდგენაც არ აქვს, რომ ეს მოგზაურობა მოულოდნელად სიცოცხლისთვის საშიშ მოვლენად გადაიქცევა. ღონისძიების დროს შეიარაღებული ჯგუფი შენობაში შეიჭრება და სტუმრებს მძევლად აიყვანს. მომღერალი და იქ მყოფი ადამიანები მოულოდნელად აღმოჩნდებიან იზოლირებულ გარემოში, სადაც ყოველი გადაწყვეტილება მათი სიცოცხლისთვის გადამწყვეტი ხდება.
წარმატებული მწერალი მრავალი წლის შემდეგ მშობლიურ თურქულ პროვინციაში ბრუნდება. დაბრუნება მისთვის მხოლოდ წარსულთან შეხვედრას არ ნიშნავს. მშობლიურ გარემოში ის იმ ადამიანებთან და მოვლენებთან შეხებას იწყებს, რომელთა დავიწყებასაც წლების განმავლობაში ცდილობდა. მამის მიერ ჩადენილი ცოდვები კვლავ იჩენს თავს და მწერალს აიძულებს, საკუთარ ოჯახურ ისტორიას თვალებში შეხედოს. ძველი წყენა, დამალული სიმართლე და წარსულში დაშვებული შეცდომები თანდათან მის ცხოვრებაში ახალ კონფლიქტებს ქმნის.
საიდუმლო აგენტი გონს ცენტრალური სადაზვერვო სააგენტოს წყალქვეშა ნავზე მოდის, თუმცა ვერ იხსენებს, როგორ აღმოჩნდა იქ და რა მისია ჰქონდა დაკისრებული. მის მეხსიერებაში არსებული სიცარიელე მას კიდევ უფრო დიდ საფრთხეში აგდებს. მალე ირკვევა, რომ წყალქვეშა ნავზე მყოფ ეკიპაჟს და აგენტს ერთმანეთის მიმართ ნდობა არ აქვთ. გაურკვეველი მოვლენები, საიდუმლო ოპერაციები და დაფარული მიზნები ვითარებას უფრო დაძაბულს ხდის.
ორი თინეიჯერი გოგონა რომის პრესტიჟული უბნიდან ცხოვრობს, სადაც ფუფუნება და მაღალი საზოგადოება ყოველდღიურობის ნაწილია. თუმცა, მათ მალე ბეზრდებათ საკუთარი გარემო, ოჯახური წნეხი და თანაკლასელებთან ურთიერთობა. თავისუფლებისა და ახალი გამოცდილების ძიებაში ისინი ქალაქის სრულიად განსხვავებულ მხარეს აღმოაჩენენ და ორმაგი ცხოვრებით ცხოვრებას იწყებენ. სერიალი მოგვითხრობს მეგობრობაზე, საიდუმლოებებზე, რთულ არჩევანსა და საკუთარი თავის პოვნაზე.
სამი მოზარდი, ადამი, ქაი და მირა, მოულოდნელად უცნობ და საშიშ ადგილას იღვიძებენ. ისინი ერთმანეთს აქამდე არ იცნობდნენ, თუმცა მალე ხვდებიან, რომ გადარჩენისთვის ერთად მოქმედება აუცილებელია. გზად მათ არაერთი საიდუმლო, გამოცდა და საფრთხე ელით. საერთო ენის გამონახვითა და ერთმანეთის დახმარებით, მოზარდები ცდილობენ გაარკვიონ, როგორ აღმოჩნდნენ ამ ადგილას და შეძლონ სახლში დაბრუნება.
მოზარდობა თავისთავად რთული პერიოდია, მაგრამ 16 წლის ჯუნისთვის ყველაფერი კიდევ უფრო რთულდება, რადგან იგი მაქციაა. ჯუნი და მისი შეყვარებული ცდილობენ მკაცრი მშობლების კონტროლს გაექცნენ და ერთად ყოფნის გზა იპოვონ, თუმცა გოგონას განსაკუთრებული შესაძლებლობები ხშირად პრობლემებს ქმნის. საკუთარი ძალების კონტროლი ჯუნისთვის სულ უფრო დიდ გამოწვევად იქცევა. დახმარების იმედით იგი პროფესორ ჰალვორსონს მიმართავს, რომელიც შესაძლოა მისი შესაძლებლობების მართვაში დაეხმაროს. სერიალი აერთიანებს ფანტასტიკას, დრამასა და რომანტიკულ ისტორიას.
სერიალის მოქმედება ოცდამეშვიდე საუკუნეში ვითარდება, სადაც კაცობრიობამ რევოლუციური ტექნოლოგია შექმნა. ადამიანებს შეუძლიათ საკუთარი ცნობიერების ელექტრონულად შენახვა და მისი ახალ სხეულში გადატანა, რაც პრაქტიკულად უკვდავების შესაძლებლობას იძლევა. თუმცა, ეს ტექნოლოგია მხოლოდ მდიდარი და გავლენიანი ადამიანებისთვის არის ხელმისაწვდომი. კათოლიკეები პროცედურაზე უარს ამბობენ, რადგან სჯერათ, რომ სიკვდილის შემდეგ ადამიანის სული ზეცაში უნდა წავიდეს. როდესაც იდუმალი დანაშაულის გამოძიებისთვის ხელისუფლება გარდაცვლილ კათოლიკე ქალს დროებით აბრუნებს სიცოცხლეში, მოვლენები მოულოდნელ და სახიფათო მიმართულებას იღებს.
ფილმი მოგვითხრობს სიმღერის შექმნის შთამაგონებელ ისტორიას, რომელიც ჯგუფის ლიდერმა საკუთარ მამას მიუძღვნა. უბრალო ემოციური ჩანაფიქრი მალე გადაიქცა გლობალურ ჰიტად, რომელმაც მილიონობით ადამიანს იმედი და ძალა მისცა. ისტორია მუსიკაზე, სიყვარულზე და იმაზე, თუ როგორ შეუძლია ერთ სიმღერას მსოფლიო შეცვალოს.
ნამდვილი ამბავი ლოს-ანჯელესელი საემიგრაციო ადვოკატის Judy Wood შესახებ, რომელმაც მარტო შეძლო ამერიკაში თავშესაფრის მიღების კანონზე გავლენის მოხდენა. მისი კლიენტი ახალგაზრდა ავღანელი ქალი, ასეფა იძულებულია დატოვოს სამშობლო, რადგან გოგონების სკოლის გახსნის გამო თალიბების დევნის ობიექტი ხდება. მარტოხელა დედა ჯუდი იწყებს დაუნდობელ სასამართლო ბრძოლას, რომელიც არა მხოლოდ მისი კლიენტის სიცოცხლეს გადაარჩენს, არამედ ათასობით სხვა დევნილი ქალის ბედსაც შეცვლის. შთამაგონებელი ისტორია გამბედაობაზე, სამართლიანობაზე და იმაზე, თუ როგორ შეუძლია ერთ ადამიანს მსოფლიო შეცვალოს.
ლუის მენკინს ციხიდან გათავისუფლებამდე სულ რაღაც ხუთი კვირა დარჩა. 26 წლის განმავლობაში პატიმრობაში გატარებული ცხოვრების შემდეგ, იგი მხოლოდ მშვიდად თავისუფლებაში დაბრუნებაზე ფიქრობს. ციხეში ლუისი უკვე ნამდვილ O.G.-ად ითვლება გამოცდილ და პატივსაცემ ადამიანად, რომელსაც სხვა პატიმრები ანგარიშს უწევენ.
ეს არის დრამა უფუნქციოდ დარჩენილი მედია ოჯახის დინასტიის შესახებ XXI საუკუნეში. როის ოჯახი- ლოგან როი და მისი ოთხი შვილი - აკონტროლებს ერთ-ერთ ყველაზე დიდ მედია და გასართობ კონგლომერატს მსოფლიოში. ფილმი ამ ოჯახის წევრთა ცხოვრების გზას ფეხდაფეხ მიჰყვება, რომელთაც წარმოდგნაც არა აქვთ, რას უმზადებთ მომავალი, მას შემდეგ, რაც მათი ასაკში შესული მამა თმობს პოზიციებს კომპანიაში.
საუბრები, საიდუმლოებები და მძიმე მოგონებები ნელ-ნელა მათ ცხოვრებასა და შინაგან სამყაროს სრულიად განსხვავებული თვალით აჩვენებს. ეს შთამბეჭდავი დრამა მეგობრობაზე, მარტოობაზე, დიდების ბნელ მხარესა და ადამიანის ნამდვილ სახეზე გვიყვება.
როდესაც რამათეფის მისტიურ სამეფოს იაკსას კლანის ურჩხული არმია ალყაში აქცევს, სამეფოს რწმენა ახალგაზრდა მუაი ტაის მეომარს ეკისრება, რომელიც გადაწყვეტს გამოიყენოს წმინდა იარაღი - მე-9 სატრა - სამეფოში მშვიდობის აღსადგენად.
