ამბიციური ამერიკელი მარკეტოლოგი, ემილი პარიზში მისთვის საოცნებო სამსახურში იწყებს მუშაობას, რათა მათ ამერიკული ხედვა გაუზიაროს ბევრ საკითხზე...
სამყაროში, სადაც სუპერგმირები თავიანთი სახელისა და ცნობადობის ბნელი მხრეებისკენ უფრო იხრებიან, ფილმის ყურადღების ცენტრშია სამოქალქო აქტივისტების ჯგუფი (არაოფიციალურად „ბიჭების“ სახელით ცნობილი), რომლებიც გადაწყვეტენ კორუმპირებული სუპერგმირები დაამარცხონ ერთი რიგითი მუშა- გოგონასა დახმარებითა და სიბინძურესთან ბრძოლის სურვილით.
ეს არის ამბავი, მსოფლიოს ერთ-ერთი ყველაზე დიდი კატასტოფის შესახებ, რომელიც ადამიანმა გამოიწვია - ჩერნობილის კატასტროფა. სერიალი მოგვითხრობს ყველაზე მამაცი ქალისა და მამაკაცის შესახებ, რომლებიც ყველანაირად ეცდებიან ევროპას ააცილონ ამ კატასტროფის წარმოუდგენელი გავლენა
ბიოგრაფიული დრამა, ამერიკული პოპულარული საბავშვო სატელევიზიო პროგრამის დამფუძნებელის და წამყვანის, ფრედი როჯერსის (ტომ ჰენქსი) და ჯურნალისტის, ლოიდ ფოგელის (მეთიუ რიზი) არაჩვეულებრივი მეგობრობის შესახებ ...
დეტექტივი იკვლევს ექსცენტრიული და ერთმანეთთან მტრულად განწყობილი ოჯახის უფროსის მკვლელობას.
ეს მძაფრსიუჟეტიანი თრილერია ერთი ახალბედა პოლიციელის შესახებ, რომელიც ახალგაზრდა ნარკოდილერის მკვლელობას შემთხვევით თავისი სათვალთვალო კამერით გადაიღებს. მას შემდეგ, როდესაც მიხვდება, რომ მკვლელობა კორუმპირებულმა პოლიციელებმა ჩაიდინეს, ცდილობს კრიმინალებსაც გაექცეს, რომლებიც შურისძიებას გეგმავენ და პოლიციელებსაც, რომლებსაც მამხილებელი ფირის განადგურება სურთ.
ამბავი ირლანდიული მაფიისა, რომელიც 1970იანი წლების მანჰეტენის ერთ რაიონში, "ჯოჯოხეთის სამზარეულოში ", ხდება. მას შემდეგ რაც მაფიის წევრებს პატიმრობას მიუსჯიან, ცოლები მათ ადგილს დაიკავებენ... და ისევე გააგრძელებსნ მათ საქმეებს, თუ უკეთ არა.
ნამდვილი ამბავი ეპიკური მოგზაურობის შესახებ, რომელიც ახალგაზრდა მდიდარი ქვრივის და პილოტის, ამელი რენის (ფელისიტი ჯონსი) და ამბიციური მეცნიერი-მეტეოროლოგის, ჯეიმს გლეიშერის (ედი რედმეინი) შესახებ მოგვითხრობს, რომლებიც 1862 წელს აეროსტატით გაფრინდებიან და იმ დროისთვის ადამიანისთვის რეკორდულ სიმაღლეს მიაღწევენ. მაგრამ ატმოსფეროს ზედა ფენებში მკვლევარები სასიკვდილო საფრთხის პირისპირ აღმოჩნდებიან. გმირები საოცარი აღმოჩენებისკენ მიიღწვიან და ამავე დროს უპრეცედენტო სიტუაციაში გადარჩენას ცდილობენ…
მამის მკვლელობის შემდეგ, ახალგაზრდა ლომი პრინცი მიდის თავის სამეფოში მხოლოდ იმისთვის, რომ გაიგოს პასუხისმგებლობისა და სიმამაცის ნამდვილი მნიშვნელობა.
თაღლით როი კორტნის ვერც დაუჯერებია რა იღბლიანია - საკმაოდ შეძლებულ ქვრივს ბეტი მაკლიშს გაიცნობს ინტერნეტით. როდესაც ბეტი სახლისა და გულის კარს გაუღებს, როი თვითონაც გაკვირვებულია, რადგან ატყობს, რომ გულგრილი არ არის მის მიმართ. რაც წინასწარ ჩაწყობილი თაღლითობა უნდა ყოფილიყო საბოლოოდ მისი ცხოვრების ყველაზე უფრო მოღალატურ ბეწვის ხიდზე გავლად იქცევა.
რა მოხდებოდა, რომ უკან წარსულში დაბრუნება შეგეძლო? სწორედ ესეთი მომსახურება აქვს კომპანიას, რომელსაც შეკვეთით ნებისმიერი ეპოქის დეტალების სრულად აღდგენა შეუძლია. კომპანიის ერთ-ერთი კლიენტი ნიჭიერი მხატვარი ხდება, რომელსაც თავის საყვარელ მეუღლესთან რთული ურთიერთობები აქვს. ის ამ შანსს იყენებს, რომ ის დღე კვლავ განიცადოს, როდესაც მთელი თავისი ცხოვრების სიყვარულს პირველად შეხვდა ...
სკოლის მოსწავლე ტოკიოში გაიქცევა და დაუმეგობრდება გოგოს, რომელსაც ამინდის კონტროლი შეუძლია.
ფილმი ერთ-ერთი ყველაზე ცნობილი და საშიში დაქირავებული მკვლელის, ფრენკ შირენის, მეტსახელად ირლანდიელის ამბავს მოგვითხრობს, რომელიც მაფიასთან მუშაობდა. დაქირავებულ მკვლელად ყოფნა ყველას როდი შეუძლია, განსაკუთრებით მაშინ, როდესაც კრიმინალურ ავტორიტეტებთან გიწევს მუშაობა. მას ყველაზე ხშირად სხვა განგსტერების მოკვლას ავალებდნენ. ფრენკი არასდროს არ სვამდა ზედმეტ კითხვებს და აკეთებდა იმას, რასაც მისგან მოითხოვდნენ. ერთ-ერთი ყველაზე ცნობილი ადამიანი, რომელიც მან მოკლა გაერთიანებული პროფკავშირების პრეზიდენტი, ჯიმი ჰოფა იყო, რომელსაც მაფიასთან ჰქონდა კავშირები. ერთ დღეს, ჯიმი უბრალოდ გაქრება, და დიდი ხნის განმავლობაში არავინ იცოდა, ცოცხალი იყო თუ მკვდარი. მაგრამ სამართალდამცავები ვარაუდობდნენ, რომ მაფიასთან უთანხმოება გამო ჯიმი, ირლანდიელმა მოკლა…
ლუიზა მეი ოლკოტის კლასიკური რომანის მორიგი ეკრანიზაცია, რომელშიც მოვლენები XIX საუკუნის მეორე ნახევარში აშშ-ს სამოქალაქო ომის შემდეგ შტატ მასაჩუსეტში ვითარდება და ერთმანეთისგან განსხვავებული ოთხი დის ურთიერთობის დრამატული ისტორიის შესახებ მოგვითხრობს. ელეგანტური ლამაზმანი ჯო, ცელქი და დაუღალავი მეგი, გულკეთილი და მოკრძალებული ბეთი და პატარა ეშმაკუნა ემი ღარიბი პასტორის, რობერტ მარჩის ოჯახში იზრდებიან, სადაც გოგონები ერთად უმკლავდებიან მათ პირველ სიყვარულს, მწარე იმედგაცრუებას და მტკივნეულ განშორებას, ასევე ეხმარებიან უფროსებს და თავიანთი ცხოვრების გზას ეძებენ ...
რემი და მელანი ერთმანეთის მეზობლად ცხოვრობენ პარიზში, მაგრამ არასოდეს შეხვედრიან. ორი ოცდაათი წლის პარიზელი ინტერნეტით ეძებს კავშირებს, მაგრამ წარმატებას ვერასოდეს მიაღწევს. მარტოობასა და დეპრესიაში ჩავარდნისას ორივე გადაწყვეტს რეგულარული თერაპიის დაწყებას.
ნამდვილი ამბავი, რომელიც ბრიტანეტის დაზვერვის აგენტის, კეტრინ განის (კირა ნაიტლი) შესახებ მოგვითხრობს, რომელმაც 2003 წელს ამერიკის ჯარების ერაყში შეჭრის მზადების დროს გაეროს უშიშროების საბჭოს წევრების წინააღმდეგ აშშ-ბრიტანეთის ერთობლივი უკანონო ჯაშუშური ოპერაციიების შესახებ NSA-ს (აშშ-ს ეროვნული უსაფრთხოების სააგენტო) სრულიად საიდუმლო და სკანდალური ჩანაწერები პრესას გადასცა, სადაც ასახული იყო, თუ როგორ აშანტაჟებდა აშშ და ბრიტანეთი გაეროს უშიშროების საბჭოს ექვს წევრს, რათა მათ ერაყში შეჭრისთვის ხმა მიეცათ. პროფესიული რისკის მიუხედავდ, ჟურნალისტი მარტინ ბრაიტი საიდუმლო დოკუმენტებს ლონდონის გაზეთში აქვეყნებს, შედეგად ომის სასარგებლოდ გაეროს რეზოლუციის მიღების შანსები საბოლოოდ იმსხვრევა. მაგრამ რამდენიმე დღის შემდეგ ბუში განაცხადებს, რომ მას გაეროს მხარდაჭერა აღარ უნდა, და მაინც შეიჭრება. როდესაც ერაყი ქაოსში ჩაიძირება, კეტრინს დააპატიმრებენ და სახემწიფო საიდუმლოს კანონის დარღვევაში დასდებენ ბრალს. მარტინიც ასევე პოტენციური ბრალდებების წინაშე აღმოჩნდება, რომლის გამოძიება კიდევ უფრო მოულოდნელ და საშიშ საიდუმლოებებს გამოავლენს ...
ყურადღების ცენტრში ნიუ-იორკის პოლიციის შავკანიანი დეტექტივია, რომელსაც მისი შელახული რეპუტაციის აღდგენის შანსი მიეცემა, თუ ის პოლიციელების სერიული მკვლელის პოვნას და მის დაჭერას შეძლებს. როდესაც მთავარი გმირი ამ ჩახლართული საქმის გამოძიებას დაიწყებს, მოულოდნელად მაშტაბურ შეთქმულებას გამოავლენს, რომლის უკან კრიმინალურ იმპერიასთნ დაკავშირებული მისი პოლიციელი-კოლეგები დგანან, და აღმოაჩენს, რომ ახლა მთელი მანჰეტენი მისთვის ერთი დიდი ხაფანგი გახდა, რადგან პირეველად ქალაქის ისტორიაში, კუნძულიდან გასასვლელი ჩვიდმეტივე ხიდი დაბლოკილი აღმოჩნდება
ორი ადამიანის ისტორია, რომლებიც ბავშვების აღზრდით და ახალგაზრდა აუტისტების მოვლით არიან დაკავებულნი.
გარდაცვალებიდან ოცდათოთხმეტი წლის შემდეგ, ავიატორ უილიამ პიტსენბარგერ უმცროსს, ქვეყნის უმაღლეს სამხედრო პატივს მიაგებენ, ბრძოლის ველზე ჩადენილი მამაცობისათვის.