დეკი, კალიფორნიის კერნის ოლქის შერიფის მოადგილე, ლოს ანჯელესის პოლიციის დეპარტამენტის მოხერხებულ დეტექტივ ბაქსტერთან ერთად სერიული მკვლელის დაჭერას ცდილობს. დეკიმ გამოცდილებით იცის, რომ ეშმაკი დეტალებშია, და არც ცდება, მაგრამ მისი სურვილი წესებს გვერდი აუაროს ბაქსტერს სულისშემძვრელ დილემამდე მიიყვანს. ამასობაში, დეკისაც მოუწევს თავის წარსულის ბნელ საიდუმლოებასთან შერკინება.
დრამატული თრილერი, ოპიოიდების სამყაროს შესახებ, რომელშიც ერთმანეთთან დაკავშირებული სამი ამბავია მოთხრობილი
მანჰეტენელი მხატვარი ოჯახთან ერთად ისტორიულ სოფელში გადადის საცხოვრებლად ჰუძონის ხეობაში. ახალ ცხოვრებას დაიწყებს, თუმცა ეჭვები შეიპყრობს - მის ქორწინებას საშინელი ბნელი მხარეც აქვს, რაც მათი ახალი სახლის ისტორიას უკავშირდება. ფილმი ელიზაბეტ ბრანდეიჯის ამავე სახელწოდების რომანის მიხედვითაა გადაღებული.
ამავე სახელწოდების თინეიჯერული რომანის ეკრანიზაცია 16 წლის ვივიან კარტერის შესახებ, რომელსაც ყელში ამოუვიდა, რომ მისი პატარა ქალაქის სკოლაში ბიჭებს ყველაფრის გაკეთების უფლება აქვთ. მას აღარ სურს სკოლის დერეფანში სექსისტური ხუმრობებისა და შევიწროების ატანა. მაგრამ ყველაზე მეტად ის სულელური და უაზრო წესების დაცვით დაიღალა. მისი დედის მეამბოხე წარსულით შთაგონებული ვივიანი ფემინისტურ ბროშურებს სახელწოდებით “მოქსი”-ს ქმნის და მათ სკოლის მოსწავლეებს შორის ანონიმურად ავრცელებს. ის, რაც მისთვის განმუხტვის საშუალება უნდა ყოფილიყო, მოულოდნელად სკოლაში მრავალ გოგონაში ჰპოვებს გამოხმაურებას. ძალიან მალე ახალგაზრდა გმირი ხვდება, რომ მან ნამდვილი რევოლუციური ბრძოლა დაიწყო გოგონების უფლებებისთვის, რაც სკოლის მასშტაბით რისხვას გამოიწვევს.
ქალი კრიოგენულ კუბოში იღვიძებს და წარმოდგენა არ აქვს როგორ მოხვდა იქ. მან უნდა იპოვოს გამოსავალი და თავი დააღწიოს ტყვეობას, სანამ ჟანგბადი ჯერ კიდევ საკმარისია.
ილინოისის „შავი პანტერების პარტიის“ თავმჯდომარის, ფრედ ჰამპტონის ისტორია, და გამოძიების ფედერალური ბიუროს ინფორმანტის - უილიამ ო’ნილის მიერ მისი საბედისწერო ღალატი.
მძაფრსიუჟეტიანი ნეო-ვესტერნი, რომელშიც მოვლენები მონტანას დიდ ეროვნულ ტყეში ვითრდება და 12 წლის ბიჭის კონორ კასერლის შესახებ მოგვითხრობს, რომელიც ტყეში მისი მამის მკვლელობის მოწმე გახდება. მკვლელების მიერ დევნილი ახალგაზრდა კონორი მალე ვეტერან მეხანძრეს და ველურ ბუნებაში გადარჩენის ექსპერტს ჰანა ფაბერს შეხვდება, რომელიც მას თავის სათვალთალო კოშკზე თავშესაფარს სთავაზობს. მაგრამ როდესაც მკვლელები კვალის დასაფარად ტყეს ცეცხლს წაუკიდებენ, ისინი იძულებულნი არიან მათ კვალზე მიმავალ მკვლელებს აჯობონ, და სასიკვდილო ხანძარს გადაურჩნენ, რომელიც გმირებს განადგურებით ემუქრება.
მას შემდეგ, რაც მოულოდნელი გლობალური მოვლენა კაცობრიობას ძილის უნარს უკარგავს, ქაოსი სწრაფად იწყებს სამყაროს მოხმარებას
ჰატჩი მენსელი დაუფასებელი მამა და ქმარი, არაფრით გამორჩეული ადამიანია, რომელმაც საზოგადოებაში პატოვოსცემის მოპოვება ვერ მოახერხა. ერთ ღამეს, როდესაც ორი ქურდი მის ქალაქგარეთ მდებარე სახლში შეიჭრება, ჰატჩი მძიმე ძალადობის თავიდან აცილების მიზნით, უარს ამბობს საკუთარი თავის და ოჯახის დაცვაზე. შედეგად, მისი ოჯახი და მეზობლები მის მიმართ იმედგაცრუებულნი რჩებიან და მასთან ურთიერთობა აღარ სურთ. თუმცა როდესაც მის მეზობელს იგივე ორი ქურდი დაესხმება თავს, განრისხებული მთავარი გმირი მოქმედებას იწყებს და ორივე ქურდს კლავს. ეს მასში მიძინებული ინსტიქტების და სასიკვდილო უნარების გამოღვიძებას გამოიწვევს, რაც მას სისასატიკის გზისკენ უბიძგებს. თუმცა, მენსელი და მისი ოჯახი შურისმაძიებელი რუსი ნარკობარონის სამიზნე გახდება, ახლა მან საშიში მტრისგან უნდა შეძლოს ოჯახის დაცვა და ყველაფერი გააკეთოს იმისთვის, რომ ის აღრასოდეს აღარ შეაფასონ, როგორც არავინ.
ხუთი ადამიანი მგზავრობისას ავარიაში მოყვებიან, გონს კი სრულიად უცხო ადგილას მოვლენ. გზა, რომლითაც ისინი მიდიოდნენ, გაქრა, გარშემო კი მხოლოდ უღრანი ტყეა, შუაში კი ხის სახლი, რომელიც შემზარავ კულტს ეკუთვნის.
1978 წელს ბანაკის ორი კონკურენტი ჯგუფი უნდა გაერთიანდეს, რათა ამოხსნან საშინელი საიდუმლო, როდესაც მათი ქალაქების ისტორიიდან საშინელებები გაცოცხლდება.
სერიალი მოგვითხრობს დანიელ გარსიაზე, მაიამის მცხობელზე, რომელიც ოჯახთან ერთად პატარა საცხობს მართავს. მისი ცხოვრება რადიკალურად იცვლება, როდესაც ის ხვდება ცნობილ სუპერვარსკვლავს ნოამ ჰამილსონს. მათი ურთიერთობა სიყვარულსა და ოჯახურ ტრადიციებს შორის ბალანსის ძიებას წარმოადგენს.
სამყარო ქაოსში ეფლობა, როდესაც ადამიანები იდუმალი მიზეზით საშინელ ურჩხულებად გარდაიქმნებიან და კაცობრიობის არსებობას საფრთხეს უქმნიან. ამ აპოკალიფსურ რეალობაში მარტოსული და პრობლემური მოზარდი, ჰიუნ ჩა, იძულებულია საკუთარი შიშების გადალახვა და გადარჩენისთვის ბრძოლა დაიწყოს. საცხოვრებელ კორპუსში გამოკეტილ გადარჩენილებთან ერთად ჰიუნი ცდილობს გაუმკლავდეს არა მხოლოდ მომაკვდინებელ არსებებს, არამედ ადამიანურ სასოწარკვეთას, უნდობლობასა და შინაგან დემონებსაც. ყოველი დღე მათთვის ახალი გამოცდაა, სადაც თითოეულ გადაწყვეტილებას სიცოცხლის ფასი აქვს. ბრძოლის მიმდინარეობისას გმირები ხვდებიან, რომ ნამდვილი საფრთხე მხოლოდ ურჩხულები არ არიან. გადარჩენის სურვილი, შიში და ძალაუფლებისკენ სწრაფვა ადამიანებსაც ისეთივე საშიშ არსებებად აქცევს, როგორც მონსტრებს.
მოვლენები პატარა ნორვეგიულ ქალაქში ვითარდება, სადაც კლიმატის ცვლილება უკვე არა მომავლის, არამედ ყოველდღიური რეალობაა. პოლარული ყინულის ქუდები იმაზე სწრაფად დნება, ვიდრე მეცნიერები ოდესმე ელოდნენ, და ეს პროცესები მთელ რეგიონს არასტაბილურს ხდის. უჩვეულოდ თბილი ზამთრები ადგილს უთმობს ხანგრძლივ გვალვებსა და შემდეგ მოულოდნელ, დამანგრეველ კოკისპირულ წვიმებს. ადამიანები იძულებულნი არიან იცხოვრონ მუდმივი ექსტრემალური ამინდის პირობებში, სადაც ბუნება ყოველდღე ახალ საფრთხეს ქმნის.
ჰერშელ გრინბაუმი, აღმოსავლეთ ევროპის ებრაელი ემიგრანტი, შემთხვევით ინახება მჟავას ქილაში 100 წლის განმავლობაში და იღვიძებს თანამედროვე ბრუკლინში. მისი ერთადერთი ცოცხალი ნათესავი არის შვილთაშვილი ბენი, კომპიუტერული კოდერი, რომელთანაც ვერ პოულობს საერთო ენას. მათი ურთიერთობა აერთიანებს კულტურულ კონფლიქტს, ოჯახურ დრამას და იუმორს.
ახალი წელთაღრიცხვის დასაწყისში რომის იმპერია ევროპაში ძალაუფლების გაფართოებას აგრძელებს, ხოლო გერმანული ტომები თავისუფლების შესანარჩუნებლად იბრძვიან. დაძაბულობა განსაკუთრებით იზრდება მაშინ, როდესაც რომაელებსა და ადგილობრივ ტომებს შორის დაპირისპირება გარდაუვალი ხდება. მოვლენების ცენტრში ახალგაზრდა მეომარია, რომელიც ორ სამყაროს შორის აღმოჩნდება. ერთ მხარეს მისი წარმომავლობა და ხალხია, მეორე მხარეს კი რომის იმპერია, რომელმაც იგი საკუთარი წესებით აღზარდა. რთული არჩევანის წინაშე მდგომი გმირი ისტორიის ერთ-ერთ ყველაზე მნიშვნელოვან ბრძოლაში გადამწყვეტ როლს შეასრულებს.
შვედეთის უსაფრთხოების სამსახურის თანამშრომელი იღებს ინფორმაციას მოსალოდნელი ტერორისტული თავდასხმის შესახებ, რომელიც ქვეყნის უსაფრთხოებას სერიოზულ საფრთხეს უქმნის. გამოძიების პროცესში მისი გზა იკვეთება სირიაში მცხოვრებ ახალგაზრდა ქალთან, რომელიც ოჯახთან ერთად სამშობლოში დაბრუნებას ცდილობს და სიცოცხლისთვის საშიშ ვითარებაში აღმოჩნდება. მოვლენების განვითარებასთან ერთად სიუჟეტი გვიჩვენებს, როგორ მოქმედებს ექსტრემისტული იდეოლოგია ახალგაზრდებზე და როგორ შეიძლება ერთი შეხედვით ჩვეულებრივი ადამიანები სახიფათო ქსელის ნაწილად იქცნენ. თითოეული პერსონაჟი რთული არჩევანის წინაშე დგას, სადაც შეცდომის ფასი შეიძლება სიცოცხლე აღმოჩნდეს.
სერიალი ხუთი ახალგაზრდა მოსწავლის ისტორიას გვიყვება, რომლებიც ყოველდღიურად სხვადასხვა სოციალურ და პირად გამოწვევას აწყდებიან. მათ უწევთ სექსუალურ იდენტობასთან, რასობრივ საკითხებთან, სოციალური უთანასწორობისა და ეკონომიკური პრობლემების გავლენასთან გამკლავება. მიუხედავად სირთულეებისა, ისინი არ წყვეტენ საკუთარი ოცნებებისკენ სწრაფვას და ცდილობენ უკეთესი მომავალი შექმნან. მეგობრობა, მხარდაჭერა და ცხოვრებისეული გამოცდილება მათ ეხმარება, რომ დაბრკოლებები გადალახონ და საკუთარი გზა იპოვონ.
ელიზაბეტ ბენავენტის პოპულარული რომანის მიხედვით შექმნილი ეს რომანტიკული დრამა ახალგაზრდა მწერლის, ვალერიას, ცხოვრებას გვაცნობს. კარიერული და პირადი სირთულეების ფონზე, იგი ცდილობს საკუთარი თავის, სიყვარულისა და ბედნიერების პოვნას. მეგობრების მხარდაჭერით ვალერია ცხოვრების ახალ ეტაპს იწყებს, სადაც რომანტიკული ურთიერთობები, ოცნებები და რთული გადაწყვეტილებები ერთმანეთს ერწყმის. სერიალი სავსეა ემოციური მომენტებით, იუმორითა და თანამედროვე ურთიერთობების რეალისტური ისტორიებით.
ახალგაზრდა მასწავლებელი მუშაობას იწყებს საშუალო სკოლაში, სადაც ერთი კვირით ადრე მომხდარი იდუმალი მკვლელობა კვლავ უამრავ კითხვას ბადებს. მიუხედავად იმისა, რომ საქმე ოფიციალურად დასრულებულად ითვლება, მასწავლებელს ეჭვი არ ასვენებს და სიმართლის გარკვევას ცდილობს. გამოძიების კვალდაკვალ იგი სულ უფრო მეტ საიდუმლოს აწყდება და ხვდება, რომ თავადაც შესაძლოა საფრთხეში აღმოჩნდეს. სერიალი სავსეა დაძაბულობით, მისტიკითა და მოულოდნელი მოვლენებით, რომლებიც მაყურებელს მუდმივ ინტერესში ამყოფებს.