სამი თვის ორსული დაფნა ელოდება თავის მეგობარ მამაკაცს რათა ერთად წავიდნენ ქალაქგარეთ დასასვენებლად. იქ დაფნა ძალიან ახლო ურთიერთობას დაამყარებს ბიძაშვილთან და მალე მათი ურთიერთობა ჭეშმარით სიყვარულში გადაიზრდება.
ფილმი მოგვითხრობს განსაკუთრებული ჯიშის ცხენის შესახებ, რომელიც უელსის ბარმენის, იან ვოკსის მიერ იქნა გამოყვანილი. ძალიან მცირე თანხით და არანაირი გამოცდილებით, იან დაარწმუნებს მეზობლებს დაუჭირონ მხარი მას და ფსონი მის ცხენზე დადონ, რადგან ის დარწმუნებულია მის უნიკალურობაში და სწამს, რომ შეძლებს კონკურენცია გაუწიოს ელიტურ ჯიშებს. ჯგუფის ინვესტიცია მართლდება, როდესაც ცხენი სახელად ,,ოცნება" მართლაც მიიწევს წინ და უელსის გრანდ ნაციონალში ნამდვილ გამარჯვებას მოიპოვებს.
ჯორჯიის შტატის ქალაქ ელროდაში მცხოვრები ჩარლის ქალიშვილის გაუჩინარებიდან ერთი წლის შემდეგ, კიდევ ერთი გოგონა იკარგება. დარწმუნებული, რომ ამ ორ ინციდენტს შორის კავშირი არსებობს, ჩარლი ადგილობრივი სამართალდამცავი ორგანოებისა და ქალაქის მცხოვრებლების მიმართ ეჭვს და ზიზღს იძენს, რომელსაც ახლა ვერავინ და ვეაფერი ვერ შეაჩერებს, რომ ქალაქის ყველაზე დამანგრეველი და ბნელი საიდუმლო გამოავლინოს…
ოდრი ცდილობს შეაჩეროს მისი ძმა და გადააფიქრებინოს დაქორწინება ახალგაზრდა ფრანგ ქალზე, ჰემპტონში, წინასაქორწილო უქმეების განმავლობაში, რაც ასევე მის 40 წლის იუბილეს ემთხვევა. ოდრი კარგავს კონტროლს და ცდილობს ჩაშალოს ქორწინების ცერემონიალი, მაგრამ საბოლოოდ თვალს უსწორებს სიმართლეს, რომ იგი ვერ აღუდგება წინ ჭეშმარიტ სიყვარულს.
ნამდვილი ამბავი აშშ-ს პატარა ქალაქზე, მუშათა კლასის წარმომადგენელი მამის შესახებ, რომელიც აშშ-ში ჯვაროსნულ ლაშქრობას იწყებს ბულინგის წინააღმდეგ მას შემდეგ, რაც მის შვილს საშუალო სკოლაში აწამებენ.
ნამდვილი ამბავი, სადაც მოვლენები 1970 წელს ლონდონში “მის მსოფლიოს” სილამაზის პოპულარული მე–20 კონკურსისი დროს ვითარდება, რომლის წამყვანი აშშ-იდან კომედიის ლეგენდა, ბობ ჰოუპი იყო. ქალთა განმათავისუფლებელი მოძრაობის უკმაყოფილო აქტივისტთა ჯგუფი და ფემინისტი სალი ალექსანდერი, რომლებიც ფიქრობდნენ, რომ სილამაზის კონკურსი ქალებს ამცირებს, კარგად მოფიქრებული საბოტაჟის გეგმის შემუშავებას გადაწყვეტენ. შედეგად გმირები ერთ ღამეში ცნობილები გახდებიან, როდესაც კონკურსის პირდაპირ ტრანსლაციას ჩაშლიან, როლმის აუდუტორია 100 მილიონ მაყურებელს შეადგენდა. ხოლო როდესაც მაუწყებლობა განახლდება, კონკურსის გამარჯვებული მოულოდნელად არა შვედი ფავორიტი, არამედ პირველი შავკანიანი ქალი, მის გრენადა გახდება, რომელმაც მის მსოფლიო ტიტული მიიღო.
უილი დარწმუნებულია, რომ მისი ცოლი როზალინდი უდანაშაულოა თავიანთი ვაჟის საეჭვო მკვლელობაში, თუმცა აღმოაჩენს ერთ საშინელ სიმართლეს მისი წარსულიდან, რომელიც სხვა გაუხსნელ დანაშაულს უკავშირდება.
სემი და ტუსკერი, 20 წლის პარტნიორები, მოგზაურობენ ინგლისში თავიანთი ძველი RV-ით, სტუმრობენ მეგობრებს, ოჯახს და წარსულის ადგილებს. მას შემდეგ, რაც ტუსკერს ორი წლის წინ ადრეული დემენციის დიაგნოზი დაუსვეს, მათი დროის ერთად გატარება ყველაზე მნიშვნელოვანია. თუმცა, მოგზაურობის პროგრესირებასთან ერთად, საიდუმლოებები ირკვევა და მათი სიყვარული ერთმანეთისადმი გამოცდას განიცდის. საბოლოო ჯამში, ისინი უნდა დაუპირისპირდნენ კითხვას, რას ნიშნავს ერთმანეთის სიყვარული ტუსკერის ავადმყოფობის პირობებში
ჯოსი – ახალგაზრდა გოგონაა, რომელიც ბავშვობიდან ინვალიდის ეტლს მიჯაჭვული, ფერწერის, წიგნების და წარმოსახვის საკუთარ სამყაროში ცხოვრობს. ერთ დღეს იგი ფერდობიდან ვარდება და მხოლოდ ცუნეოს დროული გამოჩენა უშველის. ცუნეო საზღვაო ბიოლოგიას შეისწავლის და მხოლოდ მექსიკაში მობინადრე ნარინჯისფერი თევზის ხილვაზე ოცნებობს. მათი შემთხვევითი შეხვედრის შედეგად, ჯოსის ბებია ცუნეოს ნახევარ განაკვეთზე სამუშაოს სთავაზობს, როგორც გოგონას მომვლელს. მიუხედავად იმისა, რომ ეგოისტი და მომთხოვნი ჯოსის ცხოვრებას ვერ აადვილებს ცუნეო, ის მასთან ყოფნას განაგრძობს. შედეგად მათ შორის ურთიერთობა სახეს იცვლის და ჯოსი ოცნების ახდენას გადაწყვეტს.
საშინელებათა თრილერი, ახალგაზრდა გოგონას ლიზას შესახებ, რომელიც უცნობი მამაკაცის მანქანით მგზავრობის შემდეგ, მოულოდნელად ლითონის მილების ლაბირინთში გაიღვიძებს, რომლებიც სავსეა მომაკვდინებელი ხაფანგებით. მას მაჯაზე უკუთვლის საათი უკეთია, რომელიც ყოველ 8 წუთში მოსალოდნელ საფრთხეზე აფრთხილებს და არ აძლევს გაჩერების საშუალებას. იმისათვის, რომ საშინელი სიკვდილით არ მოკვდეს, ლიზამ ვიწრო და მოლიპულ მილებში მუდმივად უნდა იხოხოს, სადაც იგი ხაფანგში მოქცეულ კიდევ ერთ ადამიანს აღმოაჩენს. ახლა იმის გასარკვევად, თუ რატომ არის ის აქ და როგორ დააღწიოს თავი ამ ჯოჯოხეთს, მთავარ გმირს მისი გარდაცვლილი ქალიშვილის მოგონებების პირისპირ მოუწევს დადგომა.
ფილმი მოგვითხრობს მარსელში არსებული კრიმინალური კლანისა და მათ წინააღმდეგ დაწყებული გამოძიების ისტორიას. რიჩარდ ვრონსკი ბანდების წინააღმდეგ შექმნილი ბრიგადის ერთ-ერთი წევრია , ის თავისებური მეთოდებით ცდილობს გამოიძიოს ბანდა , რომელსაც კოსტა მეთაურობს. თუმცა რთულია მიაღწიო რამეს , როცა არ ხარ მზად მსხვერპლის გასაღებად ან რაიმეს გასარისკად ,
ქარიზმატულმა და რთულმა, სერჯიო ვიაირა დე მელომ კარიერის უმეტესი ნაწილი გაეროს უმაღლეს დიპლომატად მუშაობას დაუთმო. იგი მსოფლიოში ყველაზე არამდგრად რეგიონებში ოსტატურად მართავს გარიგებებს პრეზიდენტებთან, რევოლუციონერებთან და ომის დამნაშავეებთან, რათა უზრუნველყოს მშვიდობიანი მოსახლეობის წყნარი ცხოვრება. მშვიდი ცხოვრების დაწყებამდე, რომელსაც საყვარელ ქალთან ერთად გეგმავს, სერჯიო უკანასკენ დავალებაზე მიდის ბაღდადში, სადაც სრული ქაოსი სუფევს. მოულოდნელად, ბომბი გაეროს კედლებშიც აღწევს და იგი სიკვდილ-სიცოცხლის ზღვარზეა. ფილმი დაფუძნებულია რეალურ მოვლენებზე.
1942 წელი. ახალგაზრდა ბელგიელი მამაკაცი ნაცისტურმა პარტიამ დააკავა და გერმანიაში, საკონცენტრაციო ბანაკში გაგზავნა. იგი ამტკიცებს რომ სპარსელია და არა ებრაელი. ეს სიცრუე მცირე ხნით იხსნის მას სიკვდილისგან, თუმცა მალე გაიგებს, რომ უნდა ასწავლოს სპარსული ერთ-ერთ ნაცისტ კულინარ ოფიცერს, რომელიც ირანში რესტორნის გახსნაზე ოცნებობს. იგი უდიდესი ამოცანის წინაშეა - სიტყვასიტყვით უნდა გამოიგონოს ენა, რომელიც არ იცის. ჟილს მკაცრად აქვს გაცნობიერებული, რომ ერთმა არასწორმა ნაბიჯმა შეიძლება გაამჟღავნოს მისი თაღლითობა.
პენსიაზე გასული შერიფი და მისი ცოლი შვილის სიკვდილს გლოვობენ და ცდილობენ ერთადერთი შვილიშვილი იპოვონ.
ველური ცხენი და თინეიჯერი გოგონა ქმნიან ურღვევ კავშირს, რომელიც მათ მთელი ცხოვრების განმავლობაში დააკავშირებს.
ახალგაზრდა დედას მისი ქარიზმატულ ფლეიბოი მამა ეხმარება ოჯახური პრობლემების მოგვარებაში, რომელიც ამასათანავე საკუთარ შეხედულებებსაც გადასინჯავს ცხოვრეის შესახებ.
პულიცერის პრემიის ორგზის ლაურეატის, ოგუსტ უილსონის ამავე სახელოწოდების ავტობიოგრაფიული პიესის ადაპტაცია, «ბლუზის დედის» სახელით ცნობილი ლეგენდარული მომღერლის, მა რეინის (ვიოლა დევისი), და ამბიციურ საყვირზე შემსრულებლის, ლივის (ჩედვიკ ბოუზმანი) შესახებ, რომელშიც მოვლენები 1927 წელს ჩიკაგოში ვითარდება, სადაც უშიშარი და მგზნებარე რეინი ხმისჩამწერ სტუდიაში მორიგი ალბომის ჩასაწერად ემზადება, მაგრამ თავის თეთრკანიან მენეჯერთან და პროდიუსერთან მისი მუსიკის კონტროლისთვის ბრძოლას იწყებს. სანამ ჯგუფი სტუდიის რეპეტიციულ ოთახში მოვლენებს აკვირდება, ამბიციური ლივი მუსიკალურ ინდუსტრიაში თავის უფლებებზე პრეტენზიას აცხადებს, რომელიც სამუდამოდ შეცვლის მთავარი გმირის და მისი მუსიკოსი-კოლეგების ცხოვრების მსვლელობას.