ტედ ბანდის დანაშაულების ქრონიკა, მისი დიდიხნის მეგობარი გოგონას, ელიზაბეტ კლეპფერის, პერსპექტივიდან დანახული, რომელიც წლების მანძილზე არ იჯერებდა სიმართლეს მის შესახებ.
როდესაც პენსიაზე გასული დაქირავებული მკვლელი მიხვდება, რომ მასზე ნადირობენ და მიზანში ყავთ ამოღებული, იგი თავის საქმეს ისევ დაუბრუნდება და ახალგაზრდა, დაუნდობელი მკვლელების მთელ არმიასთან ერთად მოქმედებს.
ამერიკელი ექსპატრიატი ცდილობს თავისი მაღალშემოსავლიანი მარიხუანას იმპერია გაყიდოს ლონდონში, რაც კონსპირაციებს, მაქინაციებს, მექრთამეობას და შანტაჟს გამოიწვევს, რადგანაც მისთვის ამ სამფლობელოს ცხვირწინ აცლა უნდათ.
კრიმინალური კომედია, ქარიზმატული ნიუ-იორკელი დილერის და იუველირის, ჰოვარდ რატნერის (ადამ სენდლერი) შესახებ, რომელიც მუდამ ბევრი ფულის შოვნის ახალი შესაძლებლობების ძიებაშია. მაგრამ ერთ მომენტში ფსონი ძალიან მაღალი იქნება და მთავარ გმირს საშიში და პროვოკაციული საქმის შესრულება მოუწევს, რის შედეგადაც მისი ბიზნესი და ოჯახი საფრთხის ქვეშ აღმოჩნდება. ჰოვარდი იძულებული ხდება ვალების გასტუმრების საშვალება იპოვოს, როდესაც მოულოდნელად მისი ძვირფასი საქონელი დაიკარგება.
„ჯოკერი“ მოგვითხრობს საკულტო შურისმაძიებლის წარმომავლობასა და მისი ასეთად ჩამოყალიბების პირველმიზეზების შესახებ და წარმოადგენს ორიგინალურ, სრულიად განსხვავებულ ისტორიას, როგორიც დიდ ეკრანზე ჯერ არ გასულა. რეჟისორ ტოდ ფილიპსის მიერ დახატული არტურ ფლეკი (ხოაკინ ფენიქსი), კაცი, რომელიც საზოგადოებამ შერისხა, არა მარტო ასეთი პერსონაჟის გაბედული შემოთავაზებაა, არამედ უფრო ფართოდ თუ შევხედავთ, სიფრთხილისკენ მოწოდებაც.
ყურადღების ცენტრში ნიუ-იორკის პოლიციის შავკანიანი დეტექტივია, რომელსაც მისი შელახული რეპუტაციის აღდგენის შანსი მიეცემა, თუ ის პოლიციელების სერიული მკვლელის პოვნას და მის დაჭერას შეძლებს. როდესაც მთავარი გმირი ამ ჩახლართული საქმის გამოძიებას დაიწყებს, მოულოდნელად მაშტაბურ შეთქმულებას გამოავლენს, რომლის უკან კრიმინალურ იმპერიასთნ დაკავშირებული მისი პოლიციელი-კოლეგები დგანან, და აღმოაჩენს, რომ ახლა მთელი მანჰეტენი მისთვის ერთი დიდი ხაფანგი გახდა, რადგან პირეველად ქალაქის ისტორიაში, კუნძულიდან გასასვლელი ჩვიდმეტივე ხიდი დაბლოკილი აღმოჩნდება
ფილმი ერთ-ერთი ყველაზე ცნობილი და საშიში დაქირავებული მკვლელის, ფრენკ შირენის, მეტსახელად ირლანდიელის ამბავს მოგვითხრობს, რომელიც მაფიასთან მუშაობდა. დაქირავებულ მკვლელად ყოფნა ყველას როდი შეუძლია, განსაკუთრებით მაშინ, როდესაც კრიმინალურ ავტორიტეტებთან გიწევს მუშაობა. მას ყველაზე ხშირად სხვა განგსტერების მოკვლას ავალებდნენ. ფრენკი არასდროს არ სვამდა ზედმეტ კითხვებს და აკეთებდა იმას, რასაც მისგან მოითხოვდნენ. ერთ-ერთი ყველაზე ცნობილი ადამიანი, რომელიც მან მოკლა გაერთიანებული პროფკავშირების პრეზიდენტი, ჯიმი ჰოფა იყო, რომელსაც მაფიასთან ჰქონდა კავშირები. ერთ დღეს, ჯიმი უბრალოდ გაქრება, და დიდი ხნის განმავლობაში არავინ იცოდა, ცოცხალი იყო თუ მკვდარი. მაგრამ სამართალდამცავები ვარაუდობდნენ, რომ მაფიასთან უთანხმოება გამო ჯიმი, ირლანდიელმა მოკლა…
როდესაც მოკრძალებული და მშვიდი Uber-ის ტაქსის მძღოლი, სახელად სტიუ, მოულოდნელად აღელვებულ მგზავრს, ვიკის აიყვანს, რომელიც დაუნდობელი მკვლელის ცხელ კვალზე მდევარი პოლიციელი აღმოჩნდება, სტიუ მისი მძევალი გახდება, რომელსაც უნებლიედ გიჟური დევნის ეპიცენტრში ჩაითრევს. მთავარი გმირი მტკივნეული გამოცდის წინაშე დგება, სადაც ის სასოწარკვეთილი ცდილობს მისი გონებამახვილობა, მისი სიცოცხლე, და მისი ხუთვარსკვლავიანი მძღოლის რეიტინგი შეინარჩუნოს…
ამ ადრენალინით გაჯერებულ ფილმში ჯონ ვიკი, დაქირავებული სუპერ- მკვლელი, ბრუნდება. მისი თავი 14 მილიონ დოლარადაა შეფასებულიდა, მის კვალს კი მრავალი დაგეშილი ქილერი ადგას. დაქირავებულ მკვლელთა საერთაშორისო გილდიის ერთერთი წევრის მოკვლის შემდეგ, ჯონ ვიკი განკვეთილია, თუმცა მსოფლიოს ყველაზე უფრო დაუნდობელი მკვლელები მის ყველა მოქმედებას აკვირდებიან და ყოველ წუთს მოლოდინის რეჟიმში არიან.
ამბავი ირლანდიული მაფიისა, რომელიც 1970იანი წლების მანჰეტენის ერთ რაიონში, "ჯოჯოხეთის სამზარეულოში ", ხდება. მას შემდეგ რაც მაფიის წევრებს პატიმრობას მიუსჯიან, ცოლები მათ ადგილს დაიკავებენ... და ისევე გააგრძელებსნ მათ საქმეებს, თუ უკეთ არა.
ეს მძაფრსიუჟეტიანი თრილერია ერთი ახალბედა პოლიციელის შესახებ, რომელიც ახალგაზრდა ნარკოდილერის მკვლელობას შემთხვევით თავისი სათვალთვალო კამერით გადაიღებს. მას შემდეგ, როდესაც მიხვდება, რომ მკვლელობა კორუმპირებულმა პოლიციელებმა ჩაიდინეს, ცდილობს კრიმინალებსაც გაექცეს, რომლებიც შურისძიებას გეგმავენ და პოლიციელებსაც, რომლებსაც მამხილებელი ფირის განადგურება სურთ.
დეტექტივი იკვლევს ექსცენტრიული და ერთმანეთთან მტრულად განწყობილი ოჯახის უფროსის მკვლელობას.
ნარკოკარტელის მეთაური თავის ორ ყველაზე უფრო მაგარ ხელქვეითს აგზავნის იმის გამოსაძიებლად, თუ რატომ ჩავარდა საქონლის გადაზიდვის ოპერაცია.
მოქმედება 1988 წლის, ფილადელფიაში ვითარდება. პოლიციის ოფიცერი თომას ლოქჰარტი ცდილობს დეტექტივი გახდეს. იგი იწყებს სერიული მკვლელის დევნას, რომლის დანაშაულებიც არანაირ ახსნას არ ექვემდებარება. როდესაც ცხრა წლის შემდეგ, დამნაშავე კვლავ ჩნდება, ლოქჰარტის დაუცხრომელი სურვილი გამოაშკარაოს სიმართლე, მის კარიერას, ოჯახსა და სულიერ წონასწორობას განადგურებით ემუქრება.
ხელოვნების ნიმუშების ქურდობაში გაწაფული პირი იმ იმედით, რომ თვის კრიმინალურ ცხოვრების სტილს უკან მოიტოვებს, ერთ სექსუალურ პოლიციელ ქალს შეეკვრება, რათა უკანასკნელი ძარცვა თავიდან აიცილოს და ამ ყველფერიდან საბოლოოდ განთავისუფლდეს.
ჯ.ჯ. აკა ჯონ შაფტი უმცროსი შესაძლოა კიბერ უსაფრთხოების ექსპერტი გახდეს მასაჩუსეტსის ტექნოლოგიური უნივერსიტეტის ხარისხით, მაგრამ თავისი საუკეთესო მეგობრის უდროოდ გარდაცვალებას ფარდა რომ ახადოს, ამისათვის ისეთი განათლება სჭირდება, რომლის მიცემაც მხოლოდ მამამისს შეუძლია. ლეგენდარული, მუდამ შემართული ჯონ შაფტი, რომელიც შვილთან მისი ჭაბუკობის წლებში არ იყო, თანახმაა დაეხმაროს შთამომავალს და ჰეროინით გაბანგულ ჰარლემში ამოგზაუროს.
1980იანი წლების მილანი ეკონომიკურ ბუმს განიცდის, „სანტო რუსო“ (რიკარდო სკამარაჩიო) კი ნელნელა მნიშვნელოვანი ფიგურა ხდება მოჭარბებული დანაშაულის წყალობით.
ტეხასელი სამართალდამცავი ფრედ ჰეიმერი იღებს დავალებას - გამოიჭიროს და გაანეიტრალოს ბანკების საშიში მძარცველები. მეწყვილესთან მენი გოლტომთან ერთად, იგი ხელმძღვანელობს ოპერაციას ახალგაზრდა, მოუხელთებელი დამმნაშავე წყვილის, ბონისა და კლაიდის წინააღმდეგ.
ჯერსი სითი - ქალაქში დაძაბულობა აფროამერიკელ მოქალაქეებსა და თეთრკანიან პოლიციელებს შორის კიდევ და კიდევ უფრო იზრდება, კულმინაციას კი პოლიციელის მიერ თინეიჯერი ბიჭის დაზიანებისას აღწევს.
მკაცრი და არამეგობრული როტვეილერი-პოლიციელი სახელად მაქსი, დავალებით ფარულად იგზავნება ცხოველების არალეგალური ვაჭრობის შესაჩერებლად, რომლებიც ძაღლების პრესტიჟულ გამოფენაზე ლას-ვეგასში იკრიბებიან. ამისთვის მაქსი და მისი პოლიციელი ადამიანი-მეწყვილე კონკურსანტთა რიგებს შეუერთდებიან, და ახლა გმირები იძულებულნი არიან – სალონის პროცედურებით დაწყებული ქორეოგრაფიის გაკვეთილებით დამთავრებული, სპეციფიკური მომზადების კურსი გაიარონ …