იდენტური ტყუპები იუ მიჯი და იუ მირე მხოლოდ გარეგნულად ჰგვანან ერთმანეთს, მათი ხასიათები და ცხოვრებები კი სრულიად განსხვავებულია. პატარა დამ, იუ მიჯიმ, სპორტული კარიერა, კერძოდ მძლეოსნობა, მიატოვა და თავისუფალ ცხოვრებას მიჰყვა. უფროსი პერფექციონისტი და, იუ მირე, კი წესრიგისა და წარმატების გზას დაადგა, შესაბამისად, ამჟამად სახელმწიფო კორპორაციაში მუშაობს. თუმცა, მოულოდნელად ისინი თავიანთ ცხოვრებას ცვლიან და ტყუილებში ეხვევიან. ამ ყველაფერს უფრო მეტად ართულებს მომხიბვლელი იურისტი ლი ჰოსუ, რომელსაც იდუმალი წარსული გააჩნია. მოულოდნელი შეხვედრა სამივე გმირს სულ ახალ გზაზე აყენებს, სადაც მათ საკუთარი თავის პოვნა უწევთ.
29 თებერვლის დილასა და ღამეს დაბადებული დეი და ნაითი წყევლისგან იტანჯებიან, რომელიც მათ, ყოველ 4 წელიწადში, ყველაზე ძვირფას ადამიანს ართმევს. წყევლის გამო ისინი გარესამყაროსგან იზოლირებულები არიან. ერთ დღეს, ნაითი დიმს ხვდება, რომელიც მის ბედნიერებად იქცევა. დეი კი, დეიდის გარდაცვალების შემდეგ, თავის აუტისტ დეიდაშვილზე იწყებს ზრუნვას. მათი მეოცე დაბადების დღის მოახლოებასთან ერთად, დეისა და ნაითის მღელვარებაც უფრო იმატებს.
წინა სკოლაში შექმნილი პრობლემების გამო, ჯეი-ჯეი ახალ სკოლაში გადადის, სადაც ბიჭებით სავსე კლასში ხვდება. თავიდან უჭირს შეგუება, მაგრამ დროთა განმავლობაში, უამრავ ახალ მეგობარსა და სიყვარულსაც კი პოულობს.
ჩა უსოლი ადრე სკოლის ბულინგის მსხვერპლი იყო, რომელიც ციხეში მისი ბულერის თვალში დაჭრისთვის მოხვდა. ციხეში მან ჩხუბი ისწავლა. ახლა კი, როცა სასჯელი მოიხადა, ცდილობს ციხის სამ მეგობართან ერთად უკეთესად იცხოვროს. მას მოულოდნელად თავმჯდომარე ჰიუნ უიონი, რომელიც უკანონო თამაშების რინგს მართავს, თანამშრომლობას სთავაზობს. გადარჩენისთვის და უიონის დასამარცხებლად უსოლი მეგობრებთან ერთად მას წინააღმდეგობას გაუწევს.
ყოფილი ეროვნული ჩემპიონები, ოქქროს მედალისტები, ათლეტები - საბრძოლო ველს იცვლიან და ახლა მათ კისერზე მედლების ნაცვლად პოლიციელის ბეიჯებია ჩამოკიდებული. შემდგომში კი ჩვენს გმირებს უამრავ დამნაშავესთან და სამართალდამრღვევთან მოუწევღ შეჭიდება. არიან კი ამისთვის მზად?
სტუდენტი K-ს საყვარელი ნოველა ისტორიული რომანი, "შეპყრობილი ტირანია". ერთ დღესაც, ვებ ნოველა უქმდება და გოგონა იმედგაცრუებული რჩება. მომდევნო დღეს, გაღვიძებისას K აღმოაჩენს, რომ წიგნის გამოგონილ სამყაროში გაიღვიძა, ბოლოხარისხოვანი პერსონაჟის, მინისტრის უმცროსი ქალიშვილის სხეულში. დაბნეულმა არ იცის რა გააკეთოს, მაგრამ მიზნად აქვს დასახული უყუროს, მთავარ პერსონაჟებს როგორ უყვარდებათ ერთმანეთი. მისი გეგმები მაშინ იცვლება, როცა ნასვამი რომანის მთავარ კაც პერსონაჟს ხვდება და მასთან დაწოლას წყვეტს.
კიმ უგიომი თავმდაბალი, ნიჭიერი და სკოლაში საუკეთესო მოსწავლეა. თუმცა ამავე დროს მამამისის ჩაგვრის ატანა უწევს, რომელიც წარმატებული ბიზნესმენია და სასტიკი წესებით ცდილობს უგიომი ექიმად აქციოს. ერთ დღეს უგიომი ახალ სკოლაში, შემთხვევით, საოცარი ჩხუბის უნარებს გამოავლენს, რაც ძლიერი მოჩხუბრის და უგიომის კლასელის, კან იუნგის ყურადღებას მიიპყრობს. მოგვიანებით იუნგი უგიომს გუნდი “სკოლის გმირების” შექმნისკენ მოუწოდებს, თავის ნამდვილ მიზნებს უგიომს უმალავს და ძალადობრივ სამყაროში ნელ-ნელა ითრევს. ბიჭები სკოლებში ბულერების დასჯას იწყებენ და შურისძიებით ანთებულ უგიომს ეს ყველაფერი თანდათან სიამოვნებას ანიჭებს.
ემალის ქვეყანა ცნობილია თავისი სიუხვით — როგორც მიწით, ასევე წყლებით. ემალს მართავს მონარქია და დაყოფილია ხუთ რეგიონად, რომელთაც თავიანთი ლიდერები ჰყავთ. სამეფო კანონმდებლობის მიხედვით, ყოველი რეგიონი ვალდებულია გაგზავნოს მემკვიდრე, რომელიც მონარქის წოდების მოსაპოვებლად კონკურსში მიიღებს მონაწილეობას. გამარჯვებული მემკვიდრის მამა კი ემალის ახალი მეფე გახდება. ისტორია მოგვითხრობს ასავადევათინთა მემკვიდრე პრინც ხანინსა და მის სამეფო მცველ ჩარან ფითაკდევას შესახებ, რომლის ოჯახიც ათწლეულებია ასავადევათინთა სამეფო მცველად მსახურობს. ხანინი ემალისგან შორს ცხოვრობს და ტახტის ხელში ჩაგდება არ აინტერესებს. ჩარანს, როგორც სამეფო მცველს, ხანინის სამშობლოში დაბრუნება ევალება.
სო სეჰიონი ახლა სასამართლო ექსპერტიზის ექიმია, მაგრამ მას სერიული მკვლელი მამამისის გამო ტრავმით სავსე ბავშვობა ჰქონდა, რის გამოც ანტისოციალური აშლილობა ჩამოუყალიბდა. აწმყოში, ერთ-ერთი ქეისის დროს ქალი ამჩნევს, რომ მკვლელის ხელწერა ძალიან ჰგავს მამამისის ნამოქმედარს.
ვუ სოვეის შეყვარებული შორდება, რადგან ის ღარიბი და უწესრიგოა. იგი საკუთარ თავს ხელახლა ქმნის და იწყებს მუშაობას, თუმცა ყოველ ჯერზე აწყდება ჩიჩენს - მდიდარბიჭუნას. როცა სოვეი გაიგებს, რომ მისი ყოფილი ჩიჩენს ხვდება, შურისძიებას და ბიჭის თვითონ ცდუნებას გადაწყვეტს. მიუხედავად იმისა, რომ აქამდე მამაკაცების მიმართ რომანტიკული ზრახვები არასდროს ჰქონია, სოვეი ამაში მთელ მონდომებას დებს და ჩიჩენის გულის მოგებას ახერხებს. მაგრამ შოკირებულია, როცა აღმოაჩენს, რომ ბიჭის მიმართ თვითონაც უჩნდება გრძნობები.
ი ჯიანი მარტოხელა დედაა, რომელიც ცხოვრების სირთულეებს თავისი სიმტკიცით, ჟინიანობითა და თავდაჯერებულობით უმკლავდება. ის სამშენებლო ინდუსტრიაში მუშაობს და მთავარი მენეჯერია. მისი ქალიშვილი, ი ჰიორი - სამედიცინოს სტუდენტია. ი ჯიანის მთელი სიამაყე - მისი ქალიშვილია. ოჯახური იდელია სწორედ მაშინ ირღვევა, როცა რაღაც მიზეზებით, ი ჰიორი დედას უჯანყდება და ამბოხს იწყებს.
კიმ სეჰი დიდი საავადმყოფოს დირექტორი და ფონდის ხელმძღვანელია, რის გამოც ყველა პატივს სცემს, მაგრამ ის საიდუმლოდ არაკანონიერი გაშვილების ორგანიზაციას მართავს. ორგანიზაცია ბავშვებით ვაჭრობს, ხოლო თუ მყიდველს "პროდუქტის" დაბრუნება მის მე-19 დაბადების დღემდე მოუნდება, მას სრული თანხა უკან უბრუნდება. დაბრუნებულ ბავშვებს დეფექტურ პროდუქტად თვლიან და ორგანიზაცია დაუნდობლად კლავს. მთავარი პერსონაჟები არიან ბავშვები, რომლებიც უნდა მომკვდარიყვნენ, მაგრამ ორგანიზაციის ხელქვეითის შებრალების გამო გადარჩნენ. ახლა ამ ბავშვებს უნდათ, რომ ორგანიზაციას ფარდა ახადონ და მშობლებზე შური იძიონ.
პაკ სოკჩოლი განგსტერების მესამე თაობის უფროსი შვილიშვილია, რომელსაც მის სამსახურთან შეუფერებლად საოცრად თბილი გული აქვს. მოულოდნელად ის სკოლის პირველ სიყვარულს- კან მიონს შეხვდება, რომელიც მომღერლობაზე ოცნებობს და ამისთვის დაუღალავად შრომობს. სოკჩოლი ცხოვრების დაბრკოლებებს ყოველდღე სიცილითა და ცრემლებით ებრძვის, რათა ოჯახი, კარიერა და სიყვარული დაიცვას.
სერიალი მოგვითხრობს საფრანგეთში აღზრდილ ტაილანდელ ობოლ ბიჭზე, რატიზე, რომელიც სამშობლოში ფრანგი თარჯიმნის ამპლუაში, დიპლომატიური მისიით ბრუნდება და თავადაზნაურ თის გაიცნობს. პოლიტიკური დაძაბულობის ფონზე, მათ ერთმანეთი უყვარდებათ. ამავდროულად, უბრალო მსახური მეკისა და ბარონეტი დეკის მეგობრობა, სოციალური უთანასწორობის გამო, საფრთხის ქვეშ დგება.
რეი და ფრინთი ბავშვობიდან კონკურენტები იყვნენ სხვადასხვა კონკურსებში, ახლა კი იგებენ, რომ წლის ყველაზე პოპულარულ დრამაში ორივეს დაუმტკიცდა როლი! ძველი კონფლიქტის გამო გოგოები მტრულად არიან განწყობილი ერთმანეთის მიმართ, მაგრამ მოულოდნელად ერთმანეთის სხეულში იღვიძებენ და უწევთ დაახლოვდნენ იმისათვის, რომ თავიანთ სხეულებში დაბრუნდნენ.
შენ შაოიუ ხვდება ომეგას, რომელიც ზუსტად მის ტიპაჟს, ნაზ თეთრ ლოტოსს, ჰგავს. ისეთს, რომლის მოწყვეტა, ვაზაში ჩადება და სამუდამოდ მისით ტკბობა გსურს. მაგრამ აღმოჩნდება, რომ ეს ბიჭი უბრალო, უწყინარი შროშანი სულაც არაა. ის ორქიდეაა. იშვიათი და არაპროგნოზირებადი, მომხიბვლელი, ელეგანტური და მოსალოდნელზე უფრო ბნელი. როდესაც აკვიატება ხვდება რაღაც მოუთვინიერებელს, ვის შთანთქავს საბოლოოდ ეს ძალა?
ფუნი ანტიკვარული მაღაზიის მფლობელია, რომელსაც თავისმა მეგობარმა ნახატის რესტავრაცია სთხოვა. ნახატის დათვალიერებისას ფუნი შემთხვევით ხელს იჭრის და ნახატი სისხლით ისვრება. ფუნის სისხლი რამილს გამოაღვიძებს, ვამპირების უკანასკნელ მემკვიდრეს, რომელიც ას წელზე მეტია ამ ნახატშია გამოკეტილი. რამილი დასუსტებულია და მასზე მონასირეების ჯგუფი ნადირობს.ფუნი ეხმარება რამილს ძალების დაბრუნებაში და ისინი ნელ-ნელა ახლოვდებიან. თუმცა ვინ იცის, შესაძლებელია, თუ არა სიყვარული ვამპირსა და ადამიანს შორის.
კემი დაიბადა დაწყევლილ ოჯახში. თუ გოგონა დაიბადებოდა, წყევლა მას არ შეეხებოდა, მაგრამ ვაჟი ოც წლამდე ვერ მიაღწევდა და დაიღუპებოდა. კემის დედამ ბიჭს ჭკვიანურად ქალის სახელი — „კემჯირა“ დაარქვა, რაც „სამუდამოდ უსაფრთხოს“ ნიშნავს. კემი მეცხრამეტე დაბადების დღემდე მართლაც ფიქრობდა რომ უსაფრთხოდ იქნებოდა.
სონ უჰე ბავშვობაში ცნობილი მსახიობი იყო, ახლა კი მშვიდად ცხოვრობს, როგორც მწერალი და ფლორისტი. მოულოდნელად, მის ცხოვრებაში ჩნდება სონ ჯეიონი, რომელიც მსახიობის მენეჯერია და ყველაფერს აკეთებს იმისთვის, რომ მის მსახიობს პოპულარობა შეუნარჩუნოს. უჰე და ჯეიონი ერთმანეთის პირველი სიყვარული იყვნენ და ცხოვრების ბნელ პერიოდში ერთმანეთს ეხმარებოდნენ. ათი წლის შემდეგ მათი ხელახლა შეხვედრა და წარსულის ნოსტალგია ორივეს ცხოვრებას აფორიაქებს.
დიდი ხნის წინ, 12 ზოდიაქოს ანგელოზი ბოროტ სულებს ადამიანთა მოდგმის დასაცავად ებრძოდა. მათი თავგანწირვის წყალობით, სულები ჯოჯოხეთის კარიბჭეში დაილუქეს. სამყაროში მშვიდობა დამყარდა, მაგრამ ბოროტებამ კვლავ იღვიძებს და ადამიანთა სამყაროში ქაოსი დგება. ბოროტი არსებების ჯგუფი, რომელსაც ოგვი ხელმძღვანელობს და 12 ზოდიაქოს ანგელოზი ვეფხვის სიმბოლოს მქონდე თესანის ხელმძღვანელობით, ეპიკურ ბრძოლაში ერთვებიან.